រាំស្អាតណាស់! Lisa បង្ហោះវីដេអូមួយនេះភ្លាមផ្អើលអស់អ្នកគាំទ្រតែម្ដង (មានវីដេអូ)

ជាការពិតទៅ តារាចម្រៀងកូរ៉េភាគច្រើនសុទ្ធតែអាចបង្ហាញក្បាច់រាំពួកគេបានយ៉ាងល្អ ដោយហេតុថាមុននឹងបានចេញច្រៀងជាផ្លូវការពួកគេសុទ្ធតែទទួលបានការហ្វឹកហាត់យ៉ាងតឹងរឹង និងក្រឹតក្រមមួយ។ ចំណែកឯតារាចម្រៀងស្រីរូបស្រស់ Lisa សមាជិកក្រុម BlackPink ក៏មិនខុសគ្នាដែរ រូបនាងគឺជាតារាម្នាក់ដែលមានទាំងរូបសម្រស់ស្រស់ស្អាត និងសមត្ថភាពខ្លាំងមិនធម្មតា។ ជាពិសេសរូបនាង តែងតែត្រូវបានអ្នកគាំទ្រជាច្រើនចាប់អារម្មណ៍តាមរយៈក្បាច់រាំដ៏រស់រវើក អមជាមួយស្ដាយប្លែកៗ ដែលតែងតែផ្ដល់ការភ្ងាក់ផ្អើលដ៏អ្នកគាំទ្ររបស់ខ្លួន។

កាលពីថ្មីៗ នេះ តារាស្រីវ័យ ២៣ ឆ្នាំ រូបនេះ បានបញ្ចេញវីដេអូមួយក្នុង Channel យូធូប ផ្លូវការរបស់នាងដែលមានឈ្មោះថា lilifim។ ក្នុងវីដេអូនោះផងដែរ បានបង្ហាញឲ្យឃើញនូវក្បាច់រាំយ៉ាងឡូយបែប ស៊ីចស៊ី ដែលធ្វើឲ្យមានអ្នកចូលមើលរហូតដល់ជាង ៤ លាននាក់ ត្រឹមរយៈពេលមិនទាន់ ២៤ ម៉ោងផង។ មិនតែប៉ុណ្ណោះ Lisa ក៏ត្រូវបានអ្នកគាំទ្រជាច្រើនបញ្ចេញមតិសរសើរមិនដាច់ពីមាត់ពីព្រោះតែភាពប៉ិនប្រសប់ក្នុងការរាំ អមជាមួយនឹងភាពទាក់ទាញរបស់តារាស្រីរូបនេះ ដែលទស្សនាហើយ ចង់ទស្សនាម្ដងទៀត៕

តោះទៅមើលវីដេអូ Lisa រាំបន្ដិចមើល៖

អត្ថបទដោយ៖ ស្រីពេជ្រ