តារាសម្តែង ណាតាយ៉ា ទៅលេងសមុទ្រលើកនេះធ្វើអ្នកគាំទ្រចាប់អារម្មណ៍ទៀតហើយ

តារាសម្តែងនិងម៉ូឌែលកញ្ញា ណាតាយ៉ា ក្រោយរៀងស្ងាត់វិបត្តិជម្ងឺកូវីដ១៩បន្តិចស្រាប់តែចេញដើរលំហែរកាយ ដោយលើកនេះទៅលេងសមុទ្របញ្ចេញភាពសម្រស់យ៉ាងសិចស៊ី ហើយឱ្យមើលរាងរបស់នាងច្បាស់ៗតែម្តង។

គ្រាន់តែថតរូបលេងក្នុងឈុតប៊ីគីនីប៉ុន្មានសន្លឹកនេះ លើបណ្តាញសង្គមហ្វេសប៊ុក កាលពីថ្ងៃទី២៥ ខែឧសភា ឆ្នាំ២០២០ តារាស្រីរូបនេះបានធ្វើឱ្យអ្នកគាំទ្ររបស់នាងភ្ញាក់ផ្អើលហើយជាពិសេសប្រុសៗនាំគ្នាចាប់អារម្មណ៍តែម្តង។ ខ្លះនាំបញ្ចេញមតិលើរូបរបស់នាងថា បើមើលពេកអាចនឹងហូរឈាមច្រមុះឬក្តៅខ្លួនជាមិនខាន។

តារាសម្តែងស្រីកញ្ញា ណាតាយ៉ា បានដើរលំហែរកាយនៅឯមាត់សមុទ្រក្នុងខេត្តកោះកុង បានទៅលើកោះស្តេចនិងកោះស្មាច់ដែលមានទេសភាពស្អាត ជាមួយទឹកសមុទ្រពណ៌ខៀវស្រស់។ លើកនេះនាងបញ្ចេញភាពសិចស៊ីខ្លាំងបន្តិចហើយ បង្អួតដាក់ធម្មជាតិជុំវិញនាង ខណៈនាងជាតារាស្រីមានដើមទ្រូងធំនិងសម្បុរសខ្ចី ទទួលការសរសើរជាប់ជានិច្ច។

សូមបញ្ជាក់ថា កញ្ញា ណាតាយ៉ា ជាថៅកែស្រីវ័យក្មេងមួយរូបដែលចេះរកស៊ីដោយបោះទុនរាប់សិបម៉ឺនដុល្លារបើកក្រុមហ៊ុននាំចូលផលិតផល សុខភាព Collagen “Inner Mois Collagen Plus” នាំចូលពីប្រទេសជប៉ុន។

តារាស្រីសិចស៊ីល្បីរូបនេះ បានទិញរថយន្តមួយគ្រឿងជាកាដូយ៉ាងពិសេសសម្រាប់ខ្លួនឯង ក្នុងថ្ងៃខួបកំណើតឆ្នាំនេះរបស់នាង ហើយរថយន្តស៊េរីទំនើបរបស់គឺ Mercedes ពណ៌ស កាលពីថ្ងៃទី០៨ ខែមិនា ឆ្នាំ២០២០កន្លងមកថ្មីៗនេះផងដែរ។

កញ្ញា ណាតាយ៉ា ជាតារាសម្តែង និង តារាបង្ហាញម៉ូត ដែលប្រជាប្រិយភាពខ្លាំង ខណៈរូបរាងមានរាងស្លីម និង មុខមាត់ដូចកូនកាត់ ឬ អាចនិយាយបានដូចទៅតារាថៃ ខណៈនាងមានប្រជាប្រិយក្នុងរឿងភាគជាច្រើនលើកញ្ចក់ទូរទស្សន៍៕

តារាសម្តែងស្រីណាតាយ៉ានិងកញ្ញាស្រីម៉ុចដើរលំហែរកាយនៅសមុទ្រជាមួយគ្នា