ច្រណែនណាស់! រូបភាពសាមញ្ញមួយសន្លឹករបស់ Yaya និង Nadech ពោលពេញដោយក្ដីសុខ!(មានរូបភាព)

ជាការពិតណាស់​ ពីមួយថ្ងៃទៅមួយថ្ងៃទំនាក់ទំនងស្នេហារវាងតារាសម្ដែងថៃប្រុសលោក Nadech Kugimiya និងតារាស្រី Yaya Urrassaya កាន់តែផ្អែមល្ហែមខ្លាំងឡើងៗ ហើយអ្នកទាំងពីរតែងតែបង្ហាញការយកចិត្តទុកដាក់ចំពោះគ្នាធ្វើឲ្យហ្វេនៗជាច្រើនច្រណែនទៀតផង។

ជាក់ស្ដែងថ្មីៗនេះ Nadech បានបង្ហោះរូបភាពលោក និង Yaya ក្នុងសម្លៀកបំពាក់បែបសាមញ្ញ តែ Yaya បានយកក្បាលកើយនៅលើស្មាលោក ពោលពេញដោយស្នាមញញឹមមើលទៅពិតជាមានក្ដីសុខខ្លាំងណាស់។

តាមរយៈរូបភាពនេះផងដែរ ហ្វេនៗជាច្រើនពិតជាសរសើរទំនាក់ទំនងស្នេហារបស់អ្នកទាំងពីរ ទោះបីជាទាក់ទងគ្នាជាច្រើនឆ្នាំ តែនៅតែផ្អែមល្ហែមខ្លាំង រីឯការយកចិត្តទុកដាក់ចំពោះគ្នាក៏មិនចាញ់កាលពីមុនដែរ៕ តោះ! ចង់ជ្រាបច្បាស់ ទៅទស្សនារូបភាពខាងក្រោមនេះទាំងអស់គ្នា៖

អត្ថបទដោយ៖ស៊ីវលី