Aum Patcharapa នៅផ្ទះយូរពេកធ្វើឲ្យនាងស្លៀកខោវជើងខ្លីលែងកើតព្រោះតែ…! (មានវីឌីអូ)
ថ្វីត្បិតតែ Aum Patcharapa ជាកំពូលតារាជួរមុខប្រចាំប្រទេសថៃក៏ដោយតែនាងមិនដែលលែងរិកលែងរាងអ្វីនោះទេ នាងតែងតែបង្កើតស្នាមញញឹមដល់ហ្វេនៗរបស់នាងគ្រប់ពេល។
ជាក់ស្ដែងនៅពេលថ្មីៗនេះនាងបានផុសវីឌីអូ TikTok ដែលមានឈ្មោះថា @aum_patchrapaa បានធ្វើឲ្យអ្នកគាំទ្ររបស់នាងសើចឡើងរឹងពោះអស់ហើយ ដោយសារតែនាងបានយកខោវខាវប៊ូយជើងខ្លីទាំងអស់មកដាក់គរនៅចំពោះមុខហើយ Aum Patcharapa ក៏បានសរសេរពីបញ្ហាដែលនាងកំពុងតែជួបថា៖
“លាហើយខោវខ្លី ព្យាយាមស្លៀកដែលតែបិតលេវមិនជិតពិតមែន ហើយឲ្យទៅថតរឿងយ៉ាងម៉េចទៅ”
នៅក្នុងវីឌីអូនទាំងកាយវិការនិងពាក្យសម្ដីរបស់គឺបានធ្វើឲ្យអ្នកគាំទ្រអត់ទ្រាំសើចមិនបានចំពោះសកម្មភាពគួឲ្យស្រលាញ់របស់នាង និងពាក្យដែលនាងនិយាយបន្ថែមថា “វាញ៉ត់លែងចូលមែន ស្លៀកលែងចូលពិតមែនចា” ។ ហ្វេនៗក៏នាំគ្នា comment ផ្ដល់កម្លាំងចិត្តដល់អាយដលក្នុងការត្រលប់មកស្លៀកខោវខ្លីបានឆាប់ៗ។
អត្ថបទដោយ : នីត្តា
