ហេតុ​ផល​ខ្លឹម​ 5ចំណុច​! ​ធ្វើ​ឲ្យ ​Mew ​ទទួល​សម្ដែង​រឿង ​«My ​Husband ​In ​Law​» ​ដោយ​មិន​រា​រែក​

តាំងពីចាប់ផ្ដើមចាក់បញ្ចាក់លើកដំបូងមកម្លេះ តារាសម្ដែងនាង Mew Nittha ធ្លាប់បានបង្ហាញអារម្មណ៍រីករាយរំភើបចិត្តយ៉ាងខ្លាំង ព្រោះតែរឿងភាគថ្មី«My Husband In Law» របស់នាងជាមួយលោក Mark Prin ​ទទួល​បាន​ការ​គាំទ្រ​យ៉ាង​ខ្លាំង​ស្ទើរ​មិ​ន​នឹក​ស្មាន​ដល់ទាំងក្នុងនិងក្រៅប្រទេស។

ទាក់ទិននឹងរឿងនេះដែរ ក្រោយពេលចាក់បញ្ចប់ Mew ត្រូវបានគេសួរពីអារម្មណ៍លើកដំបូងរបស់នាង ថាតើមានហេតុផលអ្វីខ្លះ ដែលបណ្ដាលចិត្តឲ្យ Mew ព្រមទទួលសម្ដែងរឿងនេះ?

After Footer (Active) - damrei Mr1 Zone2

ជាអ្វីដែលនៅក្នុងចិត្តស្រាប់ ភ្លាមៗ Mew បានឆ្លើយតបថា ​ហេតុ​ផល​ដែល​បាន​ធ្វើ​ឲ្យ​រូប​នាង​ព្រម​ទទួល​សម្ដែង​ក្នុង​រឿង​ខាង​លើ​នេះ​ដោយមិនអាចខកខានបានគឺមាន៥ ទី១ ​ព្រោះ​មាន​ភី​អេន​ជា​អ្នក​ដឹក​នាំ​រឿង ​ទី២​ព្រោះ​​មាន​​ភី​អេវ​ជា​អ្នក​គ្រប់​គ្រង ​ទី៣ព្រោះមាន Mark ជាតួឯក ទី៤ព្រោះ Mew លេងជាតួឯក និងទី៥ចុងក្រោយនោះ រឿងនេះមានតួសម្ដែងជាច្រើនទៀតសុទ្ធតែជាមនុស្សពូកែៗ។

ទោះបីជាបានបញ្ចប់ទៅហើយក៏ពិតមែន ប៉ុន្តែភាពយន្តភាគរឿង«My Husband In Law» ​នៅ​តែ​ត្រូវ​បាន​ហ្វេន​អ្នក​ទស្សនា​រំលឹក​រាល់​ថ្ងៃ ​ថែម​ទាំង​មិន​ទាន់​អស់​ចិត្ត ​អ្នកខ្លះដល់ថ្នាក់​ចង់ឲ្យតួឯកប្រុស​ស្រីទាំងពីរ​ក្នុង​រឿង​នេះ ​Mark និង Mew ​ឆាប់​មាន​រឿង​ភាគ​ថ្មីជា​មួយ​គ្នា​បន្ត​ទៀត ​ព្រោះ​អ្នក​ទាំង​ពីរ​ពិត​ជា​សម្ដែងបានល្អនឹងស៊ីចង្វាក់គ្នាខ្លាំងណាស់៕