ម្តងនេះពិបាកហើយ! James Jirayu ប៉ះដៃគូស្រីមានសមត្ថភាពពិសេស លើសពីមនុស្សធម្មតា
បន្ទាប់ពីរឿង «My Husband in Law» បានឃ្លាតឆ្ងាយពីចង្ខុទស្សនិកជនកាលពីសប្តាហ៍មុន ជំនួសមកវិញនូវរឿងភាគថ្មីមានចំណងជើងថា «Prophecy Of LOVE» សម្ដែងដោយតួអង្គ james Jirayu និងនាង Ice Preechaya បានចាប់ផ្តើមចាក់ផ្សាយតាំងពីយប់មិញមកម្លេះ។
កាន់តែពិសេសជាងនេះទៅទៀត ក្នុងរឿងភាគថ្មីរបស់បុរសសង្ហា James ត្រូវសម្ដែងប៉ះជាមួយដៃគូស្រីនាង Ice ដែលនៅក្នុងសាច់រឿងនាងជាមនុស្សស្រីមានសមត្ថភាពពិសេសលើសពីមនុស្សទូទៅ អាចទស្សទាយដឹងពីរឿងរ៉ាវក្នុងថ្ងៃអនាគតបានទុកជាមុន ដោយប៉ះផ្កាកុលាប។
ម៉្យាងវិញទៀត រឿង «Prophecy Of LOVE» មានបង្កប់នូវអាថកំបាំងយ៉ាងច្រើនទាក់ទងទៅនឹងរឿងរ៉ាវឃាតកម្មមួយ ហើយមានការស៊ើបអង្កេតយ៉ាងខ្លាំងពីប៉ូលិស ដោយមានជនសង្ស័យចំនួន ៦រូប ដែលគេសង្ស័យថាពាក់ព័ន្ធនឹងរឿងរ៉ាវឃាតកម្ម ក្នុងចំណោមមនុស្សទាំងអស់នោះរូបមានតួអង្គ James ផងដែរ។ ដោយសារ Ice មានសមត្ថភាពពិសេសបែបនេះ ទើបធ្វើអោយនាងអាចដឹងរឿងរ៉ាវអាថ៌កំបាំងដែលមិនគួរដឹង ហើយត្រូវជួបគ្រោះថ្នាក់ដោយសារការតាមប្រម៉ាញ់ពីជនអាក្រក់ទាំងនោះ។
ទោះជាយ៉ាងស្រីស្រស់ Ice ដែលមានឈ្មោះនៅក្នុងសាច់រឿងថា រ៉ូស៊ីតា តែងតែត្រូវបានតួឯកប្រុសស្រស់សង្ហា James ជិះសេះសព្យាយាមជួយនាងអោយគេចផុតពីកណ្តាប់ដៃមនុស្សអារក្រក់នោះជានិច្ច៕
សូមទស្សនាវីដេអូខាងក្រោម៖