ចង់លើសជាតិស្ករ! តោះទៅទស្សនាវីដេអូ Mark ជូន Kimberley ទាំងញាំអាហារជាមួយគ្នា!(មានវីដេអូ)
ជាការពិតណាស់ពីមួយថ្ងៃទៅមួយថ្ងៃចំណងស្នេហារវាងតារាសម្ដែងថៃប្រុសល្បីឈ្មោះលោក Mark Prin និង Kimberley កាន់តែផ្អែមល្ហែមខ្លាំងឡើងៗ ធ្វើឲ្យហ្វេនៗជាច្រើនច្រណែន និងសរសើរខ្លាំងណាស់ ខណៈមានគូស្នេហ៍តារាមួយចំនួនមានរឿងរហូតឈានដល់ការចែកផ្លូវគ្នាទៀតផង។
មិនត្រឹមតែប៉ុនណោះ ថ្មីៗនេះគូស្នេហ៍មួយគូនេះកាន់តែធ្វើឲ្យហ្វេនៗជាច្រើនរំភើបចិត្តខ្លាំងថែមទៀត នៅពេលគ្រប់គ្នាបានឃើញវីដេអូមួយដែល Mark Prin បង្ហោះក្នុងបណ្ដាញសង្គម IG របស់ខ្លួន បង្ហាញពីសកម្មភាពលោកជូន Kimberley ដែលជាគូស្នេហ៍ទៅដើរផ្សារ និងញ៉ាំអាហាពេលល្ងាចយ៉ាងរ៉ូមែនទិកជាមួយគ្នា មើលទៅពិតជាមានក្ដីសុខខ្លាំងណាស់។
ក្រោយពេលឃើញបែបនេះ ហ្វេនៗនិងមហាជនជាច្រើនកាន់តែច្រណែនពីទំនាក់ទំនងស្នេហាអ្នកទាំងពីរ ហើយសរសើរពីការយកចិត្តទុកដាក់ចំពោះគ្នាទៅវិញទៅមករបស់អ្នកទាំងពីរ ទោះរវល់ខ្លាំងប៉ុនណា ក៏តែងតែឆ្លៀតពេលវេលាសម្រាប់គ្នាដែរ៕
តោះ! ចង់ជ្រាបច្បាស់ ទៅទស្សនាវីដេអូខាងក្រោមនេះទាំងអស់គ្នា៖
អត្ថបទដោយ៖ស៊ីវលី