អីយ៉ា! ស្រលាញ់គ្នាបាន៨ឆ្នាំ ស៊ុក សុភា ទើបតែបញ្ចេញអារម្មណ៍ពិតទៅកាន់ភរិយាថា…!
ជាការពិតណាស់ ថ្វីត្បិតតែបច្ចុប្បន្ននេះ អតីតតារាសម្ដែងលោក ស៊ុក សុភា បានឃ្លាតឆ្ងាយពីសិល្បៈរយៈពេលជាយូរក៏ពិតមែន តែលោកនៅតែទទួលបានការចាប់អារម្មណ៍ពីសំណាក់មហាជន ពិសេសនោះគឺតាមរយៈសកម្មភាពរស់នៅយ៉ាងមានសុភមង្គលជាមួយគ្រួសារនេះតែម្ដង។
ជាក់ស្ដែងថ្មីៗនេះ លោកបានធ្វើឲ្យមហាជនជាច្រើនរំភើបចិត្តជំនួសភរិយាលោក នៅពេលឃើញលោកបង្ហោះសារអបអរថ្ងៃខួបអាពាហ៍ពិពាហ៍៨ឆ្នាំរបស់លោក និងភរិយា ដោយរៀបរាប់ថា៖
«អនុស្សាវរីយ៍ជាច្រើន ដែលពួកយើងបានសាងរួមគ្នា រយះពេលជិត ១០ ឆ្នាំកន្លងមកនេះ វាគឺជាឆាកជីវិតពិតៗ ដែលពួកយើងបានឆ្លងកាត់យ៉ាងស្វិតស្វាញរហូតមកដល់សព្វថ្ងៃនេះ ហើយបងនៅសង្ឃឹមថា ពួកយើងនឹងកាន់ដៃគ្នាបែបនេះជាមួយគ្នារៀងរហូតដល់ចាស់កោងខ្នងអរគុណគ្រប់យ៉ាងដែលអូនបានធ្វើអ្វីដែលល្អៗមកលើបង
អរគុណនូវក្តីអាណិតស្រលាញ់រយះពេល ៨ ឆ្នាំនេះ
អរគុណនូវការគោរព ស្រលាញ់ បារម្ភណ៍ ការយោគយល់ ការអាធ្យាស្រ័យ និងយល់ពីផ្លូវចិត្តរបស់បង ។
រីករាយថ្ងៃខួបអាពាហ៍ពិពាហ៍ ៨ ឆ្នាំ អាអូនសម្លាញ់ចិត្តប្ដី ជាចុងក្រោយបងចង់បញ្ជាក់អូនថា ជាតិនេះបងស្រលាញ់តែអូនម្នាក់ (២២/០៦/២០១២ – ២២/០៦/២០២០)»។
ក្រោយពេលឃើញបែបនេះ មហាជននិងហ្វេនៗជាច្រើនក៏បាននាំគ្នាចូលរួបអបអរថ្ងៃខួបអាពាហ៍ពិពាហ៍លោកនិងភរិយា ហើយក៏សរសើរពីភាពផ្អែមល្ហែមអ្នកទាំងពីរមិនប្រែប្រួលសោះ ទោះបីជាពេលនេះមានវ័យច្រើនបន្ដិចក៏ពិតមែន៕ តោះ! ចង់ជ្រាបច្បាស់ ទៅទស្សនារូបភាពខាងក្រោមនេះទាំងអស់គ្នា៖
