តារាថៃចំនួន៣គូស្ថិតនៅក្នុងចំណោមគូស្នេហ៍តារាថៃច្រើន ត្រូវបានគេសង្កេតឃើញថាពិតជាស្រលាញ់ផ្អែមល្ហែមជាមួយគ្នាខ្លាំងណាស់ មិនថានៅជាសង្សារ រហូតអ្នកខ្លះទៀតបានរៀបការនឹងគ្នារួចទៅហើយក្ដី ប៉ុន្តែចំណងស្នេហ៍ពួកគេនៅតែផ្អែមខ្លាំងមិនចាញ់ទឹកឃ្មុំឡើយ។
លើសពីនេះអ្វីដែលធ្វើឲ្យហ្វេននឹកស្មានមិនដល់នោះគឺគូស្នេហ៍ទាំង៣នេះ សុទ្ធតែកើតនៅក្នុងឆ្នាំតែមួយដូចគ្នាខុសតែខែថ្ងៃប៉ុណ្ណោះ ពិតជាចៃដន្យខ្លាំងណាស់។ តើតារាទាំង៣គូនេះមាននរណាខ្លះ? សូមទស្សនាដូចខាងក្រោម៖
១. Jaylerr Krissanapoom និង Thanaerng Kanyawee
គូស្នេហ៍វ័យក្មេងមួយគូនេះ បានកើតនៅឆ្នាំ១៩៩៦ដូចគ្នា គឺ Thanaerng កើតនៅថ្ងៃទី២១ ខែកក្កដា ហើយ Jaylerr កើតនៅថ្ងៃទី ១៥ ខែសីហា។
២. Louis Scott និង Noon Ramida
បន្ទាប់ពីមើលចិត្តគ្នាអស់ពេលជាយូរ អ្នកទាំងពីរបានសម្រេចចិត្តនាំគ្នារៀបការបែបស្ងាត់ៗ កាលពីពេលថ្មីៗកន្លងទៅនេះ។ ប្តីប្រពន្ធ Louis Scott និង Noon Ramida បានកើតក្នុងឆ្នាំ១៩៨២ដូចគ្នា ពោលខុសតែថ្ងៃខែប៉ុណ្ណោះ គឺស្វាមីកើតថ្ងៃទី០៤ ខែមីនា ហើយភរិយាកើតនៅថ្ងៃទី២៥ ខែធ្នូ។
៣. Cee Siwat និង Amy Klinpratoom
ប្ដីប្រពន្ធមួយគូនេះក៏មិនខុសពីតារាខាងលើដែរ ពួកគេកើតនៅក្នុងឆ្នាំតែមួយ ដោយ Siwat កើតនៅថ្ងៃទី ២៧ ខែមករា ហើយ Amy កើតនៅថ្ងៃទី០៨ ខែកក្កដា។ មកដល់ពេលនេះ ពួកគេរៀបការនឹងគ្នាបាន៦ឆ្នាំហើយ៕