គួរឲ្យសរសើរ! តារាថៃល្បីៗហូរហែនៅតែបន្តចូលរួមបុណ្យសពឪពុក Taew ទោះប្រារព្ធមកច្រើនថ្ងៃក៏ដោយ
មានយៈពេល១០ថ្ងៃហើយ ដែលលោកឧត្តមសេនីយ៍ទោ Narong Temirak ឪពុករបស់តារាសម្ដែងថៃ Taew Natapohn បានចាកចេញទៅមិនមានថ្ងៃត្រឡប់វិញ ពោលតាំងពីថ្ងៃទី០១ ខែកក្កដា ឆ្នាំ២០២០ បន្សល់ទុកឲ្យភរិយានិងកូនៗកើតក្តីទុក្ខព្រួយស្រក់ទឹកភ្នែក ព្រោះតែបាត់បង់មនុស្សជាទីគោរពនឹងស្រលាញ់ទៅ។
ពិធីបុណ្យត្រូវបានធ្វើឡើងនៅថ្ងៃទី០២ ខែកក្កដា បន្ទាប់ពីលោកបានទទួលមរណភាពមួយថ្ងៃ ហើយគេសង្កេតឃើញមានភ្ញៀវអ្នកតូចធំ សាច់ញាតិ ព្រមទាំងតារានៅក្នុងឧស្សាហកម្មកម្សាន្តថៃជាច្រើនបានចូលរួមរំលែកទុក្ខដល់ Taew និងគ្រួសារយ៉ាងច្រើនកុះករផងដែរ។
យ៉ាងណា បើគិតតាំងពីថ្ងៃទី១នៃពិធីរហូតមកដល់ពេលនេះ គឺមានរយៈពេល៩ថ្ងៃហើយ ទិដ្ធភាពនៃពិធីបុណ្យសពឪពុក Taew នៅតែមានភ្ញៀវចូលរួមច្រើនដដែល ពិសេសមិត្តភក្តិក៏ដូចជាតារារួមអាជីពចាស់ក្មេងជាមួយ Taew នៅតែបង្ហាញវត្តមានចូលរួមជាហូរហែរមិនដាច់សោះ ធ្វើឲ្យនាងនិងគ្រួសារកាន់តែមានកម្លាំងចិត្តជាងមុនទៅទៀត។ សូមទស្សនារូបភាពខាងក្រោម៖