អបអរសាទរ! តារាថៃ Mila TheFace ចូលរោងការហើយ កូនកម្លោះស្រស់សង្ហាណាស់!(មានរូបភាព)

កាលពីថ្ងៃទី១៥ ខែ កក្កដា ម្សិលមិញនេះ តារាសម្ដែងថៃស្រីវ័យក្មេង នាង Mila Poomdit ឬហៅថា Mila TheFace បានសម្រេចចិត្តបញ្ចប់ភាពនៅលីវ ចូលរោងការជាមួយគូស្នេហ៍ដែលជាអ្នកបើកយន្តហោះដ៏ស្រស់សង្ហា ក្រោយទាក់ទងគ្នាអស់រយៈពេលជាច្រើនឆ្នាំមក។

ក្នុងនោះផងដែរ បើយើងក្រឡេកទៅមើល កម្មវិធីមង្គលការតារាស្រីរូបនេះវិញ គឺរៀបចំឡើងយ៉ាងប្រណិត រីឯសម្លៀកបំពាក់កូនកម្លោះកូនក្រមុំក៏ស្រស់ស្អាត និងលេចធ្លោរខ្លាំងថែមទៀតផង។

គួរបញ្ជាក់ផងដែរថា មង្គលការតារាស្រីរូបនេះ បានរៀបចំឡើងតាមបែប គ្រិស្តសាសនា នៅវិហារ Assumption Cathedral ក្នុងទីក្រុងបាំងកក ក្រោមបរិយាកាសដ៏រីករាយ និងមានភ្ញៀវកិត្តិយសជាច្រើនទៅចូលរួមទៀតផង៕ តោះ! ចង់ជ្រាបច្បាស់ ទៅទស្សនារូបភាពខាងក្រោមនេះទាំងអស់គ្នា៖

អត្ថបទដោយ៖ស៊ីវលី