អីយ៉ា! Mawin សុំមិត្តស្រីរៀបការយ៉ាងផ្អែមល្ហែម ក្រោយមើលចិត្តគ្នាអស់១០ឆ្នាំ!(មានរូបភាព)
ជាការពិតណាស់ បើគិតមកទល់នឹងពេលនេះ តារាសម្ដែងប្រុស លោក Mawin Taweepol និង តារាស្រី ព្រមទាំងជាផលិតកររឿងដ៏ល្បី នាង Tu Piyawadee មានទំនាក់ទំនងស្នេហាជាមួយគ្នាអស់រយៈពេល១០ឆ្នាំមកហើយ ហើយមហាជននិងហ្វេនៗជាច្រើនក៏កំពុងតែទន្ទឹមរង់ចាំដំណឹងល្អពីអ្នកទាំងពីរសឹងតែគ្រប់ពេលដែរ។
ជាក់ស្ដែងថ្មីៗនេះ Mawin បានធ្វើឲ្យគ្រប់គ្នាភ្ញាក់ផ្អើល នៅពេលលោកបានរៀបចំកម្មវិធីមួយដែលមានមិត្តភក្ដិជាច្រើនចូលរួម ក្នុងនោះ Mawin បានលាក់ចិញ្ចៀនពេជ្រ នៅក្នុងប្រអប់ Sushi បន្ទាប់មក បានធ្វើការលុតជង្គង់ សុំមិត្តស្រី រៀបការ និងថែមទាំងនិយាយពាក្យនៅក្នុងចិត្តយ៉ាងដូច្នេះទៀតថា៖
«សុំទោសដែលធ្វើឱ្យរង់ចាំយូរ ខ្ញុំបានរង់ចាំរឿងនេះអស់រយៈពេល ១០ ឆ្នាំមកហើយ។ សូមអរគុណ Tu ដែលតែងតែនៅក្បែរខ្ញុំមករហូត ហើយក៏បានឆ្លងកាត់ ការរងទុក្ខ និងសុភមង្គលជាច្រើន បន្ទាប់ពីនេះ យើងនឹងនៅក្បែរគ្នាជារៀងរហូត»។
ក្រោយពេល Mawin បានធ្វើបែបនេះ មិនថា Tu Piyawadee ទេ សូម្បីតែមហាជននិងហ្វេនៗក៏រំភើបចិត្តជំនួសនាងគ្រប់ៗគ្នាដែរ ព្រោះនេះជាពេលដែល Tu រង់ចាំអស់រយៈពេល១០ឆ្នាំមកហើយ៕ តោះ! ទៅទស្សនារូបភាពខាងក្រោមនេះទាំងអស់គ្នា៖
អត្ថបទដោយ៖ស៊ីវលី