នាំគ្នាល្បី មានតារាថៃដ៏ល្បីម្នាក់ មុខមាត់ដូច សុខ ពិសី ខ្លាំងណាស់! មើលយូរៗដូចមែនតើ!

ជំនួបជួបគ្នារវាងតារាចម្រៀងស្រីល្បីឈ្មោះរបស់កម្ពុជាកញ្ញា សុខ ពិសី និងតារាសម្ដែងស្រីជើងចាស់របស់ប្រទេសថៃនាង Pinky Savika កាលពីយប់ថ្ងៃទី០៥ តុលា ម្សិលមិញនេះ នៅផ្សាទំនើបអ៊ីអន២សែនសុខ បានអង្រួនបេះដូងហ្វេនអ្នកគាំទ្រមិននាក់នោះទេឲ្យរំភើបសប្បាយចិត្តព្រោះបានជួបផ្ទាល់ បានឃើញនូវសម្រស់ដ៏ស្រស់ស្អាតម្យាងម្នាក់ ភាពគួរឲ្យស្រលាញ់របស់អ្នកទាំងពីរ ហើយដែលកាន់តែពិសេសនោះ តារាស្រីទាំងពីរហាក់មានភាពស្និទ្ធស្នាលគ្នាខ្លាំងតែម្ដង ទាំងដែលការជួបគ្នានេះគឺជាលើកដំបូងសោះ។

យោងតាមផេកផ្លូវការរបស់កញ្ញាសុខ ពិសី ស្ថិតក្នុងទឹកមុខញញឹមញញែមរីករាយ នាងបានផុសរូបស្និទ្ធ ស្នាលគ្នាជាច្រើនសន្លឹកមានស្ទើរគ្រប់ស្តាយ៍ជាមួយ Pinky ព្រមជាមួយសារយ៉ាងខ្លីថា«ទើបជួបគ្នាលើកដំបូង តែមានអារម្មណ៍ស្និទ្ធស្នាល Nice To Meet My Dear»។

ជាការពិត ក្រោយបានឃើញរូបថតដ៏គួឲ្យស្រលាញ់ទាំងនេះ មិនត្រឹមតែសុខ ពិសីទេដែលគិត តែសូម្បីបណ្ដារហ្វេនជាច្រើនទៀតក៏បានមើលឃើញនឹងបញ្ចេញមតិបែបនេះដែរ ពោលអ្នកទាំងពីរពិតជាគួរឲ្យស្រលាញ់ណាស់ ស្រស់ស្អាតខ្លាំងនឹងលេចធ្លោរដូចគ្នា ហើយកាន់តែមើលមុខមាត់អ្នកទាំងពីរកាន់តែស្រដៀងគ្នា។ សូមទស្សនារូបភាពខាងក្រោម៖