កាន់តែវែងហើយ! ករុណា ពេជ្រ បង្ហោះសារបន្ថែមទៀត ក្រោយផ្ទុះរឿង ខេម និងផលិតកម្មថោន
ប្រិយមិត្តគ្រប់គ្នាប្រាកដជាជ្រាបហើយថា ថ្មីៗនេះមានរឿងដ៏គួរឲ្យភ្ញាក់ផ្អើលមួយកើតឡើង នៅពេលឃើញផលិតកម្មថោន បានចេញលិខិតកោះហៅលោក ខេម ចូលខ្លួនដោះស្រាយបញ្ហា ទាក់ទងនិងលោកបានចូលទៅផលិតកម្មផ្សេង ខណៈមិនទាន់ចប់កុងត្រាជាមួយផលិតកម្មថោនផងនោះ។
ដោយឡែកក្រោយមានរឿងនេះផ្ទុះឡើយ ខេម ក៏បានចេញមុខរៀបរាប់សារយ៉ាងវែងអន្លាយក្នុងបណ្ដាញសង្គម សឹងតែធ្វើឲ្យហ្វេនជាច្រើនក្ដុកក្ដួលក្នុងចិត្តទៀតផង ខណៈនោះដែរ ក៏មានតារាក្នុងផលិតកម្មថោន មួយចំនួនចេញមុខប្រតិកម្ម និងប្រើពាក្យផ្លែផ្កែទៅកាន់លោក ខេម ជាច្រើនថែមទៀតផង។
មិនត្រឹមតែប៉ុនណោះ ស្រាប់តែថ្មីៗនេះ លោក ករុណា ពេជ្រ ក៏បានចេញមុខបង្ហោះសារក្នុងបណ្ដាញសង្គមរបស់ខ្លួនបន្ដទៀតថា៖
«ហេតុអ្វីបានជាកន្លងមក រហូតដល់ពេលនេះ ការចាកចេញ របស់ អ្នកនាងសុគន្ធនិសា លោកកែវ វាសនា អ្នកនាងមាស សុខសោភា នៅតែបន្សល់ទុកដោយស្នាមញញឹម?»
«៩ឆ្នាំហេីយ ដែលយេីងបានស្គាល់គ្នា ៩ឆ្នាំហេីយ ដែលអ្នកមានគំនិតច្រណែនខ្ញុំ ៩ឆ្នាំហេីយ 9ឆ្នាំហេីយ ដែលខ្ញុំតែងតែនៅខាងអ្នកគ្រប់ពេល
ហេតុអ្វី??????»។
ក្រោយពេលឃើញសាររបស់លោក ករុណា ពេជ្រ បែបនេះ ធ្វើឲ្យមហាជនជាច្រើនកាន់តែភ្ញាក់ផ្អើល ហើយក៏នាំគ្នាបញ្ចេញមតិរៀងៗខ្លួនជាច្រើនផងដែរ៕ តោះ! ទៅទស្សនារូបភាពខាងក្រោមនេះទាំងអស់គ្នា៖
អត្ថបទដោយ៖ស៊ីវលី