ក្ដុកក្ដួលណាស់! ក្រោយភរិយាទទួលមរណភាពទៅមួយរយៈ ឪពុក ទឹម រដ្ឋា ស្រាប់តែពោលពាក្យបែបនេះ
ជាការពិតណាស់ ថ្វីត្បិតតែម្ដាយរបស់តារាសម្ដែងស្រី កញ្ញា ទឹម រដ្ឋា បានទទួលមរណភាពអស់រយៈពេល១ខែហើយក៏ពិតមែន តែអារម្មណ៍គ្រួសារ នៅតែមិនទាន់បានធូរស្រាលនៅឡើយនោះទេ ហើយកន្លងមក គ្រប់គ្នាតែងតែឃើញតារាស្រីរូបនេះ រួមជាមួយបងប្អូន បានបង្ហាញរូបភាព និងសារនឹករំលឹក អាឡោះអាល័យទៅកាន់ម្ដាយជានិច្ច។
ដោយឡែកមិនត្រឹមតែបងប្អូនរបស់នាងនោះទេ ស្រាប់តែថ្មីៗនេះ ឪពុករបស់នាង ក៏បានបង្ហោះរូបភាពជាមួយ និងសារនឹករំលឹកទៅកាន់ភរិយាដែលបានចែកឋានទៅផងដែរថា៖
«សុខភាពរឹងមាំ តែចិត្តទន់ជ្រាយ តើថ្ងៃណាទៅទើបខ្ញុំអាចបំភ្លេចទុក្ខដ៏មហាសែនធ្ងន់នេះបាន ខ្ញុំខំបំភ្លេចរំងាប់អារម្មណ៍ តែវានៅតែនឹកឃើញដដែល»។
ក្រោយពេលឃើញបែបនេះ មហាជននិងហ្វេនៗជាច្រើនពិតជាក្ដុកក្ដួលក្នុងចិត្ត ហើយក៏សរសើរក្ដីស្រលាញ់របស់ឪពុកតារាស្រីរូបនេះចំពោះភរិយា ពិតជាធំធេងខ្លាំងណាស់ ទោះបីគាត់ចែកឋានទៅអស់រយៈពេល១ខែហើយ ក៏នៅតែនឹករលឹកគ្មានថ្ងៃបំភ្លេចបានដែរ៕
តោះ! ទៅទស្សនារូបភាពខាងក្រោមនេះទាំងអស់គ្នា៖
អត្ថបទដោយ៖ស៊ីវលី