និយាយពីការតុបតែងខ្លួនរបស់តារាស្រីថៃ ម្នាក់ៗមានរសនិយមមិនចាញ់គ្នាប៉ុន្មានទេ ពិសេសរបស់របរប្រើប្រាស់ភាគច្រើនសុទ្ធតែចេញពីម៉ាកល្បីៗទាំងអស់។
យ៉ាងណាមិញ ពេលចេញទៅណាមកណាម្ដងៗពួកគេមិនភ្លេចទេ កាន់កាបូបដៃទៅជាមួយជាប់ជានិច្ច ដើម្បីឱ្យមើលទៅកាន់តែទាក់ទាញមួយកម្រិតទៀត។ ចុះ ទស្សនិកជនមានដឹងអត់ថា ក្នុងនោះកាបូបរបស់ពួកគេមានអ្វីខ្លះនៅក្នុងហ្នឹង?
របស់របរដែលពួកគេតែងដាក់នៅក្នុងកាបូបជាប់ជានិច្ច មានអ្វីខ្លះ? ទៅមើលដូចខាងក្រោម៖
១. Mai Davika
នៅក្នុងបទសម្ភាសន៍មួយ Mai បានបង្ហាញទៅកាន់អ្នកសារព័ត៌មានពីកាបូបដ៏ស្រស់ស្អាតរបស់នាង ជាមួយរបស់របរដែលនាងតែយកជាប់ខ្លួនមាន ទូរសព្ទ័ដៃ ប្រដាប់បញ្ចូលថ្មទូរសព្ទ័ ក្រេឌីតកាត កន្សែង ក៏ដូចជាគ្រឿងតុបតែងខ្លួនមួយចំនួនទៀត។
២. Bella Ranee
ចំពោះតារាស្រីលំដាប់ជួរមុខ Bella វិញ ជានិច្ចជាកាលតែងតែបង្ហាញនូវម៉ាកកាបូបដ៏ស្រស់ស្អាតរបស់នាង និងបង្ហាញពីអ្វីដែលនាងតែងយកដាក់ជាប់ខ្លួន មាន ទូរសព្ទ័ដៃ កាមេរ៉ាថតរូប ឡេកាពារកំដៅថ្ងៃ វ៉ែនតាខ្មៅ និងសម្ភារៈចាំបាច់មួយចំនួនទៀត។
៣. Min Pechaya
តារាសម្ដែងឯករាជ្យរូបនេះ មានកាបូបតាមខ្លួនដល់ទៅបី មានកូនកាបូបលុយមួយ មានដាក់វ៉ែនតា កូនកន្សែង និងកាបូបមួយទៀតទុកដាក់សម្ភារៈមួយចំនួនដូចជា ដបទឹក អាហារ និងគ្រឿងលេងសម្រាប់សត្វចិញ្ចឹមរបស់នាង៕