ហោរាសាស្រ្ត ប្រចាំថ្ងៃ ពុធ ទី ១០ ខែ មីនា ឆ្នាំ ២០២១ ត្រូវនឹងថ្ងៃទី ១២រោច ខែផល្គុន ឆ្នាំជូត ទោស័ក ពស២៥៦៤
ឆ្នាំជូត
រាសីល្អជាមធ្យម។ក្នុងថ្ងៃនេះលោកអ្នកគួររក្សាភាពស្ងប់ស្ងាត់ ហើយមិនត្រូវជឿសម្តីក្រុមមនុស្សពេកឡើយប្រយ័ត្នឥតការអ្វីសោះនាំរឿងរាវដំបៅទ្រូង ។លោកអ្នកមិនសូវមានការសប្បាយចិត្តសប្បាយកាយប៉ុន្មានទេ ហើយពិសេសការប្រកបការងារមានការធ្វើច្រើនខុសច្រើនទៀតផង។ សម្រាប់អ្នកប្រកបរបររកស៊ីជួញដូរមានការទិញចូលលក់ចេញដាច់មួយៗគ្រាន់ចិញ្ចឹមឆ្នាំងបាយអញ្ចឹងដែរតែយ៉ាងណាឱ្យប្រយ័ត្នគ្រោះចាញ់បោកគេបន្តិចព្រោះងាយរងគ្រោះណាស់។ សម្ព័ន្ធស្នេហាប្រុសស្រីកុំចង់សាកល្បងកាមគុណពិសេសស្រី្តប្រយ័ត្នកើតរឿងធំខូចទាំងកិត្តិយសហើយអស់ទាំងអនាគតភ្លឺស្វាងថែមទៀត៕
ឆ្នាំឆ្លូវ
រាសីខ្ពស់ត្រដែត។នៅថ្ងៃនេះផ្តល់ផលល្អសម្រាប់លោកអ្នករៀបចំពិធីអ្វីមួយ ហើយបើចង់ពឹងពាក់នរណាម្នាក់ធ្វើអ្វីក៏ជាពេលវេលាផងដែរ។នៅថ្ងៃនេះលោកអ្នកអាចសម្រុកការងារពេញទីបានហើយពីព្រោះថាផលជាផ្លែផ្កាតែងហុចមកវិញផង។សម្រាប់អ្នកប្រកបមុខរបរជាអ្នកជំនួញមានការរីកលូតលាស់ទៅមុខគួរសម ហើយបើលោកអ្នកប្រឹងប្រែងប្រកបជំនួញធំដុំអ្វីមួយផងឃើញថាតែងឆ្លើយតបជាផ្លែផ្កាគ្រាន់គួរជាទីពេញចិត្តត្រឡប់មកវិញ ។ រីឯបញ្ហាស្នេហាកំលោះក្រមុំបើលោកអ្នកចង់ផ្សំផ្គុំគ្រួសារជាពេលវេលាល្អប្រពៃបំផុត៕
ឆ្នាំខាល
រាសីស្រុតចុះ។នៅថ្ងៃនេះលោកអ្នកអាចទទួលរឿងរាវមិនគួរឱ្យសប្បាយចិត្ត ហើយមិនត្រូវយកចិត្តទុកដាក់សម្តីក្រុមមនុស្សខ្លះទើបគ្មានបញ្ហាមិនល្អណាមួយចោទឡើង។ ការប្រកបការងារមិនសូវរលូនទេ ហើយបើជាកិច្ចការថ្មីផងចូរប្រយ័ត្នកំហុសសាងឡើងដោយមិនដឹងខ្លួន។ អ្នកប្រកបរបររកស៊ីជួញដូរលោកអ្នកមិនគប្បីមានចិត្តឆាប់ប្រកែប្រកាន់ឬចិត្តច្រណែនឈ្នានីសលោភលន់ច្រើនប្រយ័ត្នឥតការអ្វីសោះយករឿងរាវក្តៅក្រហាយដាក់ខ្លួន។ បញ្ហាសម្ព័ន្ធស្នេហាប្រុសស្រីកុំមានការដើរថយក្រោយ ហើយពិសេសងាយកើតជម្លោះវិវាទថែមទៀត ៕
ឆ្នាំថោះ
រាសីស្រុតចុះ។នៅថ្ងៃនេះលោកអ្នកទទួលរងប៉ះទង្គិចផ្លូវចិត្តខ្លះៗកើតឡើងដោយភាពច្រើនកើតចេញពីមនុស្សក្បែរខ្លួនឬសូម្បីតែមនុស្សពីចម្ងាយក្តី។ការប្រកបការងារមានការរអាក់រអួល និងរាំងស្ទះច្រើន ហេតុនេះត្រូវបង្កើនការយកចិត្តទុកដាក់បន្ថែមទៀតក៏កាន់តែប្រសើរ។ការប្រកបរបរ រកស៊ីជួញដូរ មុជមិនជ្រោទៅមិនឆ្ងាយឡើយ ហេតុនេះបើចង់ប្រកបរបរជិតឆ្ងាយច្រើនតែខាងបង់កម្លាំងចោលប៉ុណ្ណោះ។ សេចក្តីស្នេហាកំលោះក្រមុំបើកើតជម្លោះវិវាទណាមួយមិនត្រូវផ្តោះផ្តងដោយសម្តីឥតប្រយោជន៍ច្រើនឡើយ ហើយត្រូវរក្សាភាពស្ងៀមស្ងាត់ទើបប្រសើរ៕
ឆ្នាំរោង
រាសីល្អជាមធ្យម។ការរស់នៅបើមានញាត្តិមិត្តបងប្អូនមកខ្ចីរបស់របរមានតម្លៃឬប្រាក់កាសគប្បីមានការប្រយ័ត្នប្រយែងបន្តិចព្រោះងាយខូចខាតនិងបាត់បង់នាំឱ្យកើតការមើលមុខគ្នាមិនសូវចំណាស់។ការប្រកបការងារក្នុងអំឡុងពេលនេះបើទោះសុខកាយសប្បាយចិត្តបន្តិចក្តី ប៉ុន្តែបញ្ហាចំពោះមុខត្រូវតស៊ូដោះស្រាយក៏មានច្រើនដែរ ។ ចំពោះអ្នកប្រកបរបររកស៊ីជួញដូរមុខជំនួញមានសភាពនឹងធឹងល្អហើយបើចង់បើករបររយះពេលខ្លីៗតែងសមដូចប្រកបគួរសម។ រីឯបញ្ហាសម្ព័ន្ធស្នេហាកំលោះក្រមុំកើតមានការប្រឆាំង និងចាប់កំហុសគ្នាច្រើន៕
ឆ្នាំម្សាញ់
រាសីខ្ពស់ត្រដែត។ថ្ងៃនេះដំណើរជីវិតភ្លឺថ្លា បញ្ញាឈ្លាសវៃ ហើយបើចង់ធ្វើអ្វីមួយក៏តែងសម្រេចជោគជ័យគ្រាន់ជាគាប់ចិត្តផងដែរ។នៅថ្ងៃនេះដែរផ្តល់ផលល្អសម្រាប់លោកអ្នកទំនាក់ទំនងកិច្ចការងារឬចាប់ផ្តើមធ្វើអ្វីមួយពីព្រោះថាផលជាផ្លែផ្កាតែងផ្តល់មកវិញជានិច្ច។អ្នកប្រកបរបររកស៊ីជួញដូរលោកអ្នកអាចបើទ្វារចេញលក់ដូរតែងមានសិរីសួស្តីជានិច្ចផង។ការធ្វើដំណើរទីជិតឆ្ងាយមានតែក្រុមមនុស្សស្វាគមន៍រាក់ទាក់និងជួយជ្រោមជ្រែងជានិច្ច។ រីឯបញ្ហាស្នេហាកំលោះក្រមុំបើមិនទាន់មានគូគាប់កុំឃើញភ្លាមស្រឡាញ់ភ្លែតឱ្យសោះប្រយ័ត្ននាំជួបផលលំបាកនៅគ្រាក្រោយវិញ៕
ឆ្នាំមមី
រាសីស្រុតចុះ។នៅថ្ងៃនេះមិនផ្តល់ផលល្អសម្រាប់លោកអ្នកសម្រចចិត្តធ្វើអ្វីដែលជារឿងសំខាន់ឡើយឬមិនផ្តល់ផលល្អក្នុងការទំនាក់ទំនងជាមួយមនុស្សនៅឆ្ងាយឡើយពីព្រោះថាងាយនាំផលលំបាកជាងសព្វមួយដង ។ការប្រកបការងារ លោកអ្នកឱ្យប្រយ័ត្នក្រុមមនុស្សបៀតបៀនយាយីព្រោះតែក្តីឈ្នានីសដោយប្រការណាមួយ។ចំពោះអ្នកប្រកបរបររកស៊ីជួញដូរវិញការចេញធ្វើជំនួញទោះទីជិតឆ្ងាយពុំសូវសុខស្រួលខ្លួនប៉ុន្មានទេព្រោះជារឿយៗតែងមានក្រុមមនុស្សអុកឡុកយាយីជានិច្ច។ រីឯបញ្ហាសេចក្តីស្នេហាប្រុសស្រីមានការល្អក់កករ និង ប្រឆាំងគ្នាធ្វើឱ្យកើតបញ្ហាមិនសូវចេះចប់ទេ៕
ឆ្នាំមមែ
រាសីស្រុតចុះ។នៅថ្ងៃនេះលោកអ្នកកើតឆ្នាំពពែគឺមិនផ្តល់ផលល្អក្នុងការចុះកិច្ចសន្យាឬចរចារឿងសំខាន់អ្វីមួយឡើយពីព្រោះថាងាយជះផលអាក្រក់នាពេលក្រោយវិញណាស់ដែរ។សម្រាប់អ្នកប្រកបរបររកស៊ីជួញដូរវិញមិនត្រូវយកអារម្មណ៍ម៉ួម៉ៅក្តីក្រហាយឬបង្ករឿងថ្នាំងថ្នាក់ចំពោះអ្នកដទៃប្រយ័ត្នកើតឧបទ្រពចង្រៃការលក់ដូរកាន់តែមិនដាច់។ការធ្វើដំណើរទីជិតឆ្ងាយចូរប្រយ័ត្នគ្រោះចាញ់បោកគេដោយប្រការណាមួយ។ រីឯបញ្ហាស្នេហាកំលោះក្រមុំបើចង់ធ្វើការជ្រើសរើសគូស្រករពុំល្អទេគប្បីមានការត្រួតពិនិត្យឱ្យបានគ្រប់ជ្រុងជ្រោយព្រោះច្រើនជួបគូកម្មច្រើនជាងគូព្រេង៕
ឆ្នាំវក
រាសីខ្ពស់ត្រដែត។ដំណើរចាកចេញក្រៅផ្ទះតែងមានការយកចិត្តទុកដាក់ពីអ្នកដទៃឬទទួលបានការគោរពស្រឡាញ់ច្រើនផង។នៅថ្ងៃនេះដែរការប្រកបការងារតែងត្រូវចិត្តចៅហ្វាយនាយឬក៏បានទទួលការកោតសរសើរអ្វីមួយផង។សម្រាប់អ្នកប្រកបរបររកស៊ីជួញដូរមានការទិញចូលលក់ចេញគ្រាន់រស់រវើកគួរសម ហើយបើចង់រកស៊ីចូលហ៊ុនជាមួយអ្នកដទៃក៏មានភាពល្អប្រសើរដែរតែត្រូវត្រួតពិនិត្យសមាសភាពឱ្យបានត្រឹមត្រូវប្រយ័ត្នត្រូវចាញ់បោកគេ។ រីឯបញ្ហាសេចក្តីស្នេហាកំលោះក្រមុំមានការរីកលូតលាស់និងមានភាពសុខដុមប្រពៃ៕
ឆ្នាំរកា
រាសីខ្ពស់ត្រដែត។នៅថ្ងៃនេះលោកអ្នកមានអារម្មណ៍ភ្លឺថ្លា បញ្ញាឈ្លាសវៃ និងចង់ដោះស្រាយដែលជាជម្លោះវិវាទយូរមកហើយតែងទម្លុះទម្លាយដល់បញ្ចប់ផង ។ក្រៅពីនេះលោកអ្នកអាចទទួលដំណឹងល្អឬធ្វើអ្វីតែងមានភ្លើងសញ្ញាពណ៌បៃតងរង់ចាំជានិច្ច។ចំពោះការប្រកបរបររកស៊ីជួញដូរលោកអ្នកអាចបោះទុនរកស៊ីចូលហ៊ុនជាមួយអ្នកដទៃដោយអាចទទួលផ្លែផ្កាមកវិញគួរជាទីពេញចិត្តហើយបើលោកអ្នកចង់ជួញដូរផ្លូវឆ្ងាយក៏តែងហុចផ្លែផ្កាដូចការគ្រោងទុកគួរសមដែរ។ រីឯបញ្ហាស្នេហាកំលោះក្រមុំបើមានការទុំជោរហើយជាឱកាសល្អក្នុងការរៀបអាពាហ៍ពិពាហ៍បំផុត៕
ឆ្នាំច
រាសីខ្ពស់ត្រដែត។នៅថ្ងៃនេះលោកអ្នកបានធូរកាយសប្បាយចិត្តគ្រាន់គាប់ប្រសើរ និងពិសេសមានការមនុស្សផ្តល់ភាពកក់ក្តៅថែមទៀត។សម្រាប់ស្ត្រីនៅពេលនេះដំណើរជីវិតមានភាពសូរស្បើយផ្លូវចិត្តវិញតែបុរសជួបភាពតានតឹងពោលគឺមិនសូវសុខស្រួលខ្លួនប៉ុន្មានឡើយ។ការប្រកបការងារពុំមានផលលំបាកអ្វីចូលមកនាំពិបាកដោះស្រាយ ឬត្រូវរែកពន់លំបាកទេ។អ្នកប្រកបរបររកស៊ីជួញដូរវិញនៅពេលនេះមុននឹងចង់ដាក់ទុនអ្វីមួយត្រូវចេះគិតគូរឱ្យបានច្បាស់លាស់សិនមុនអនុវត្តជាក្រោយទើបអាចទទួលផលសម្រេចល្អៗទៅរួច។ រីឯសេចក្តីស្នេហាប្រុសស្រីបើលោកអ្នកចង់ចូលនិយាយដល់ចាស់ទុំ ឬផ្សំផ្គុំគ្រួសារជាពេលវេលាល្អប្រពៃហើយ៕
ឆ្នាំកុរ
រាសីស្រុតចុះ។នៅថ្ងៃនេះដំណើរជីវិតហាក់គ្មានទីលំនឹងច្បាស់លាស់ហើយធ្វើអ្វីក៏តែងមិនសម្រេចដូចគាប់បំណងនោះដែរ។សម្រាប់អ្នកប្រកបការងាររាជការឬក្រុមហ៊ុនឯកជនក្តីបើមានកិច្ចការអ្វីថ្មីឬសូម្បីតែចាស់ក្តីលោកអ្នកត្រូវរួសរាន់បំពេញនិងមិនត្រូវធ្វេសប្រហែសឡើយមិនដូច្នេះនឹងទទួលរងការស្តីបន្ទោសពីសំណាក់ចៅហ្វាយនាយជាក់ជាពុំខាន។អ្នកជំនួញជួញដូរមានការខ្សត់ខ្សោយចំណូល ហើយបើមានអតិថិជនជំពាក់ប្រាក់កាសផងតែងមិនងាយសងសោះឡើយ។ រីឯបញ្ហាសេចក្តីស្នេហាកំលោះក្រមុំមានភាពជឿនលឿនទៅមុខនិងផ្អែមល្ហែមល្អណាស់ដែរ៕