ក្រោយពីស្នេហារវាង Alek និង Toey បានដើរដល់ផ្លូវបំបែក ពួកគេម្នាក់ៗនៅតែមិនទាន់មានអ្នកណាម្នាក់ជាពិសេសនៅក្នុងចិត្តនៅឡើយទេ។
សម្រាប់ Alek គេឧស្សាហ៍ឃើញមានព័ត៌មានថា គេមានទំនាក់ទំនងជាមួយតារាសម្ដែងស្រីនាង Pear Pitchapa ប៉ុន្តែ Alek ឆ្លើយបដិសេធ ថាពួកគេត្រឹមមិត្តស្គាល់គ្នាធម្មតាប៉ុណ្ណោះ។ ថ្មីៗនេះ តារាប្រុសសង្ហារូបនេះ ក៏បានផ្តល់បទសម្ភាសន៍ទៅកាន់អ្នកសារព័ត៌មានបន្ថែមទៀតថា បច្ចុប្បន្ន គេនៅទំនេរមិនមានសង្សារដូចពាក្យចចាមអារាមនោះទេ។
ឥឡូវនេះរឿងដែលគេត្រូវគិតនៅពេលនេះ គឺខិតខំធ្វើការងារអោយបានល្អបំផុតតាមតែអាចធ្វើទៅបានព្រោះមួយរយៈនេះ គេមានការងារថ្មីៗជាច្រើនដែលត្រូវធ្វើទៀត។
Alek ក៏បានបន្តទៀតថា ប្រសិនជាដល់ពេលវេលាសក្តិសមណាមួយ រូបគេប្រាកដជាបានជួបគ្នាជាមួយមនុស្សស្រីដែលជាដៃគូដ៏ល្អម្នាក់មិនខាន៕