ធ្លាប់ដឹងអត់? តួឯកប្រុសសង្ហាល្បីៗ ៤រូបនេះ ផ្តើមចូលសិល្បៈដំបូងតាមរយៈកម្មវិធីប្រឡងចម្រៀង!
មានតារាសម្ដែងប្រុសស្រីល្បីៗជាច្រើន ដែលផ្តើមចេញពីអាជីពជាតារាចម្រៀង និងមានតារាមួយចំនួនទៀតផ្តើមចេញពីអ្នកបង្ហាញម៉ូត ក៏ដូចជាគ្រូបង្រៀនជាដើម។
ជាក់ស្ដែង តារាប្រុសប្រចាំប៉ុស្តិ៍កម្សាន្តថៃ ONE31 ទាំង ៤រូប ខាងក្រោមនេះ ផ្តើមអាជីពជាអ្នកសម្ដែងដំបូងឡើយ ពីបេក្ខភាពប្រឡងក្នុងកម្មវិធីចម្រៀងប៉ុណ្ណោះ។
តោះ! សូមតាមដានពីព័ត៌មានលំអិតខាងក្រោមទាំងអស់គ្នា៖
១. Bie Sukrit
តួឯកប្រុសលំដាប់ជួរមុខក្នុងប៉ុស្តិ៍ ONE31 រូបនេះ ធ្លាប់ទទួលបានចំណាតលេខ១ ក្នុងកម្មវិធី «The Star Season 3»។ Bie ចាប់ផ្តើមសម្ដែងដំបូង ក្នុងឆ្នាំ ២០០៦ រឿង «Roy Adeed Hang Ruk»។ ក្នុងឆ្នាំ ២០០៧ Bie បានទទួលការគាំទ្រ និងមានប្រជាប្រិយភាពខ្លាំង ពេលដើរតួក្នុងរឿង «Hai Silauaj»។
២. Tono Pakin
Tono ជាបេក្ខភាពជាប់ចំណាត់ថ្នាក់លេខ ២ ក្នុងកម្មវិធី «The Star Season 6» និងបានដើរជាតួឯកដំបូងក្នុងរឿង «Karm Wayla Tharm Ha Ruk »។
៣. Napat Injaiuea
ក៏ជាបេក្ខភាពចំណាត់លេខ ១ ក្នុងកម្មវិធីប្រឡង «The Star Season 6» ឆ្នាំ ២០១០ ចូលដល់ឆ្នាំ ២០១១ គាត់បានចូលសម្ដែងជាតួអង្គនៅក្នុងរឿង «Reuan Pae»។
៤. Tongtong Kitsakorn
Tongtong ជាបេក្ខភាពមួយរូបដែលជាប់ក្នុងកម្មវិធីប្រឡង «The Star 12» និងចាប់ផ្តើមថតសម្ដែងរឿងលើកដំបូង ឱ្យប៉ុស្តិ៍ ONE31 ក្នុងរឿង «Soot Rak Sap E-Lee»៕