ទីបំផុតតារាប្រុសសង្ហា God នាំគូស្នេហ៍ទៅជួបអ្នកផ្ទះហើយ សង្ស័យថានឹងមានរឿងល្អឆាប់ៗសម្រាប់អ្នកទាំងពីរ!

តារាប្រុស God បានបើកបង្ហាញនូវទំនាក់ទំនងស្នេហារបស់លោក ជាមួយនឹងតារាស្រីវ័យក្មេង Richy ជាសាធារណៈយូរមកហើយដែរហើយ។ អ្នកទាំងពីរពិតជាធ្វើអោយមហាជនកោតសសើរថាសាកសមគ្នាមែនទែន ហើយអ្វីដែលលើសពីនេះទៀត ដែលធ្វើអោយទស្សនិកជនគិតថា អ្នកទាំងពីរអាចនឹងមានដំណឹងល្អក្នុងពេលឆាប់ៗនេះ។

មហាជនបានសង្កេតឃើញនៅលើគណនីសង្គមរបស់អ្នកម្តាយតារាប្រុស God បានបង្ហោះនូវរូបថតបួននាក់ជាមួយកូនប្រុសកូនស្រី ម្នាក់ទៀតគឺជាតារាស្រី Richy ដែលត្រូវជាគូស្នេហ៍របស់ God នេះហើយ។ ហ្វេនជាច្រើនបាននិយាយថា ស្នេហាអ្នកទាំងពីរអាចនឹងមានរឿងល្អហើយ ព្រោះខាងប្រុសបាននាំដៃគូទៅជួបអ្នកម្តាយហើយនេះ៕