ក្រោយជួប បុរសពិកាជើងម្ខាងរកស៊ីលាងម៉ូតូ នេះហើយ ធ្វើឲ្យ ពិធីករ សុខ រ៉ាស៊ី ពោលយ៉ាងចាក់ដោតថា “ជិវិត និងក្តីសង្ឃឹម មិនអស់ទេ បើដង្ហើមនៅតែដក” (មានវីដេអូ)

ប្រិយមិត្តមួយចំនួនធំ ពិតជាស្គាល់ច្បាស់ជាក់ជាមិនខាន លោក សុខ រ៉ាស៊ី ដែលជាពិធីករ ក៏ពូកែវោហាស័ព្ទមួយរូប ប្រចាំស្ថានីយទូរទស្សន៍ហង្សមាស ហើយសព្វថ្ងៃនេះ ពិធីកររូបនេះ ក៏មានវត្តមានក្នុងកម្មវិធីល្បីៗជាច្រើនផងដែរ។ ចំណែកកាលពីថ្ងៃទី២១ ខែឧសភា ឆ្នាំ២០១៩ កន្លងទៅនេះ លោកបានយកម៉ូតូទៅលាង នៅកន្លែងមួយ ដើម្បីយកមកចែករំលែកបងប្អូនទស្សនាពីជីវិតតស៊ូរបស់បុរសម្នាក់ដែលពិកាជើងម្ខាង។ លោកក៏បានភ្ជាប់សារខ្លីមួយថា៖

“ថ្ងៃនេះខ្ញុំ សុខចិត្ត បន្លំ យក ម៉ូតូប្អូន មកលាងនៅ កន្លែងគាត់ ដើម្បីចែករំលែក ដល់បងប្អូនទាំង អស់គ្នា ក្នុងអត្ថន័យ មានជីវិតមាន មានការតស៊ូ! ចុះសុំ សួរទៅដល់ បងៗដែល មាន កាយ សប្បទារ ពេញលេញ មិនពិការ ដូចបងប្រុសម្នាក់នេះ ខ្មាស់គាត់អត់? ប្រទេសណាក៏មាន អ្នកសុំទាន ដែរ តែសុំសួរ ខ្លួនឯងថា៖ តើអ្នកបានប្រើធនធានរាង្គកាយ ដែរខ្លួនមានអស់ហើយ រឺនៅ? តស៊ូក្នុងជីវិត”។ លោកក៏បន្ថែមសារដ៏មានន័យ និងចាក់ដោតអារម្មណ៍មួយទៀតថា “ជិវិត និង ក្តីសង្ឃឹម មិនអស់ទេ បើដង្ហើមនៅតែដក!”៕