ប្រពៃណាស់! បវរកញ្ញាឯកខ្មែរ ពិភពលោក ចូលរួមសំអាតបរិស្ថាននៅឆ្នេរអូត្រេះ ដើម្បី…
កាលពីថ្ងៃទី២៥ ខែឧសភា ឆ្នាំ២០១៩ ទើបកន្លងផុតទៅថ្មីៗនេះ បើយោងតាមហ្វេសប៊ុករបស់ “រដ្ឋបាលខេត្តព្រះសីហនុ” បានឲ្យដឹងថា៖ “ខេត្តព្រះសីហនុ៖ នៅរសៀលថ្ងៃសៅរ៍ ៧រោច ខែពិសាខ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២៥ ខែឧសភា ឆ្នាំ២០១៩ បវរកញ្ញាឯកខ្មែរ ពិភពលោក Miss Global Cambodia បានចូលរួមសំអាតបរិស្ថាននៅឆ្នេរអូត្រេះ ស្ថិតនៅសង្កាត់លេខ៤ ក្រុង ខេត្តព្រះ សីហនុ ដោយមានការចូលរួមពីលោកស្រី ហៀក ហ៊ីមុល្លី អភិបាល រងខេត្តព្រះសីហនុ តំណាងអភិ បាលខេត្តព្រះសីហនុ ។
ការសំអាតបរិស្ថាននៅរមណីយ ដ្ឋានឆ្នេរអូត្រេះ មានការចូលរួមពីក្រុមការងារស្ថាប័នបវរកញ្ញាឯកខ្មែរ ពិភពលោក Miss Global Cambodia មន្ទីរបរិស្ថានខេត្តព្រះ សីហនុ និងអាជ្ញាធរក្រុង សង្កាត់ ។
គោលបំណងសំខាន់របស់ក្រុម ការងារបវរកញ្ញាឯកខ្មែរ ពិភពលោក Miss Global Cambodia គឺដើម្បីសិក្សាស្វែងយល់ ផ្សព្វផ្សាយពីវប្បធម៌ ទេសចរណ៍ សកម្មភាពមនុស្សធម៏ សប្បុរសធម៌ ពិសេសការចូលរួមសំអាតបរិស្ថាននៅតាមបណ្តោយឆ្នេរអូត្រេះ ដើម្បីបង្ហាញឲ្យពិភពលោក បានស្គាល់ពីសក្តានុពលតំបន់ឆ្នេរសមុទ្រកម្ពុជា ពិសេសឆ្នេរខេត្តព្រះសីហនុ ។
ក្នុងឱកាសនោះ លោកស្រី ហៀក ហ៊ីមុល្លី មានផ្តាំផ្ញើដល់បង ប្អូនប្រជាពលរដ្ឋ ក៍ដូចជាភ្ញៀវទេស ចរ ចូលរួមថែរក្សាសោភណភាព បរិស្ថាននៅតាមតំបន់ឆ្នេរ ទីប្រជុំ ក៍ដូចទីសាធារណ:ជាប្រចាំ ដើម្បីប្រែ ក្លាយផ្នត់គំនិតប្រជាពលរដ្ឋ ឱ្យចេះស្រឡាញ់បរិស្ថាន ដោយមិនបោះ ចោលសំរាមនៅពាសវាលពាស កាល ត្រូវចេះវេចខ្ចប់សំរាមឱ្យបានត្រឹមត្រូវ យកទៅដាក់ក្នុងធុងសំរាម ដើម្បីប្រែក្លាយឆ្នេរសមុទ្ររបស់យើង មានភាពស្រស់ស្អាត បៃតង និងភាពទាក់ទាញ ៕
