បើនិយាយពីអ្នកម្ដាយដែលចិញ្ចឹមកូនតែម្នាក់ឯងរហូតកូនមានអនាគតល្អ ច្បាស់ជាជៀសមិនរួចពីអ្នកម្តាយដ៏ស្រស់ស្អាត Moo Pimpaka Siangsomboon ដែលសព្វថ្ងៃមានកូនប្រុសពេញកំលោះរូបសង្ហា Nay Naphat Siangsomboon ហើយថែមទាំងពេញនិយមខ្លាំងទៀត ទាំងការផ្សាយពាណិជ្ជកម្មនិងថតស្ប៉ត មានការងារចូលមិមិនដែលទំនេរ ។
កាលពីគ្រាកន្លងមកលោកស្រី Moo ធ្លាប់ចេញមកផ្តល់បទសម្ភាសន៍ និយាយអំពីផ្លូវជីវិតនៅថ្ងៃដែលគាត់ដឹងថាគាត់មានកូន តាមរយៈកម្មវិធីផ្តល់បទសម្ភាសន៍មួយ ពេលដឹងហើយសូមលើកមេដៃឲ្យ ព្រោះគាត់ពិតជាស្ត្រីដ៏រឹងមាំម្នាក់។
គាត់និយាយថា កាលនោះគាត់មិនទាន់ចេះ
គិតអ្វីទេ គាត់មិនដែលចង់មានជីវិតគូឡើយ តែគាត់បែរជាយល់ព្រមរៀបការមានកូន ទាំងដែលខ្លួនមិនស្រឡាញ់ភាគីខាងប្តីទាល់តែសោះ ដោយភាគីខាងប្តីស្រឡាញ់លោកស្រីតែម្ខាង ។
កាលគ្រានោះកេរ្តិ៍ឈ្មោះរបស់លោកស្រីកំពុងល្បីខ្លាំង គាត់ទាក់ទងគ្នាជាមួយអតីតស្វាមីហើយជ្រុលជ្រួសមុនរៀបការ ។
គ្រប់យ៉ាងវាចាប់ផ្តើមកើតឡើង នៅពេលដែលលោកស្រីកំពុងថតកុន លោតហក់វាយតប់ពេញទំហឹង មិនដឹងខ្លួនទាល់តែសោះ ស្រាប់តែពិនិត្យមើលទើបដឹងខ្លួនឯងមានកូន ភ្លាមៗលោកស្រីស្រាប់តែមានអារម្មណ៍ថាពិភពលោកដូចជាស្រស់បំព្រងមួយរំពេច ។
កាលពីពេលកន្លងមក លោកស្រីមានអារម្មណ៍ឯកោណាស់ រស់នៅខ្លួនមួយមានលុយក៏មិនដឹងដើម្បីនរណា សុខៗស្រាប់តែដឹងថាមានកូន អារម្មណ៍ក៏ប្រែមកមានក្តីសុខជីវិតមានន័យជាងមុន បូករួមទាំងគេលុតជង្គង់សុំរៀបការ នឹងសន្យាមើលថែគាត់អស់មួយជីវិត លោកស្រីក៏យល់ព្រមរៀបការ ហើយគិតថានៅៗទៅច្បាស់ជាស្រឡាញ់គ្នាហើយ ។
ថ្ងៃរៀបការលោកស្រីគិតថា ចង់រៀបការឲ្យសង្គមបានដឹងប៉ុណ្ណោះ នៅពេលនោះលោកស្រីមានជម្រើសតែពីរ មួយគឺរត់ទៅក្រៅប្រទេស ពីរគឺរៀបការ ហើយលោកស្រីរើសជម្រើសទី ២ ។
ប៉ុន្តែក្រោយរៀបការ ជីវិតរៀបការមិនដូចអ្វីដែលគាត់គិតនោះទេ លោកបានលាឈប់ពីសិល្បៈ លុបចោលការងារជាច្រើន ដោយសង្ឃឹមថាគេនឹងមើលថែគាត់ដូចដែលបានសន្យាមែន ប៉ុន្តែក្រោយរៀបការនៅជាមួយគ្នាបាន ៣ខែ ទើបលោកស្រីស្គាល់ពីចរិតពិតរបស់ស្វាមី ម្ល៉ោះហើយលោកស្រីក៏សម្រេចចិត្តលែងលះគ្នាតែម្តង ។
ក្រោយពេលពេលបែកគ្នា លោកស្រីជឿជាក់លើខ្លួនឯងណាស់ ទាំងស្អាតទាំងមាន រឿងអីគ្រាន់តែកូនមួយចិញ្ចឹមមិនរស់ ហើយគាត់ពិតជាធ្វើបានមែន ៕
ប្រភព៖ Thai Entertainment