បញ្ចប់មិនល្អ? អតីតគូស្នេហ៍តារាTangmoo និង Nickបោះពាក្យសំដីដាក់គ្នារឿងចំណងស្នេហ៍ចាស់!!

អតីតគូស្នេហ៍តារាមួយគូក្នុងសិល្បៈថៃគូរបស់លោក Nick Kunatip និងតួឯកស្រីរៀមច្បងនាង Tangmoo Nida ធ្លាប់ជាដៃគូតារាដែលមានភាពផ្អែមល្ហែមរូបស្វីតៗពេលនេះសល់ត្រឹមតែអតីតកាល ថែមទាំងបញ្ចប់ទៅដោយមិនល្អទៀតផង។

ដោយថ្មីៗនេះតួឯកស្រីនាង Tangmoo បានទៅចូលរួមក្នុងកិច្ចសម្ភាសន៍កម្មវិធីមួយឈ្មោះថា Club Friday Show រូបនាងបាននិយាយពីរឿងរ៉ាវស្នេហាពីអតីតកាលដែលធ្វើឲនាងខកចិត្តរហូតធ្វើឲកើតមានជាជំងឺស្រេ្ដសដូចសព្វថ្ងៃ ជាពិសេសចំណងស្នេហាជាមួយអតីតតារាអាយុរប្អូនដែលគិតតែរករឿងប្រច័ណ្ឌនឹងនាង។

ពេលកម្មវិធីនេះបានចេញផ្សាយធ្វើឲលោក Nick ចេញមកប្រតិកម្មភ្លាមៗវិញដែរ ព្រោះលោកដឹងថាតារាអាយុរប្អូនដែល Tangmoo និយាយមកសំដៅដល់រូបលោក។ ហើយលោក Nick បានបង្ហោះវិញថា កុំយកតែល្អខ្លួនឯងអាក្រក់ៗដាក់ឲគេ កុំចេះតែតែងថែមរឿងច្រើនពេកប្រយ័ត្នលោកលោកនិយាយវិញម្ដង។

ប្រភព៖ Sanook

អត្ថបទដោយ៖ ស្រីល័ក្ខ