អីយ៉ាស! មានរឿងថ្មីទៀតហើយ! Mark និង Bow ចាប់ដៃគូគ្នាជាលើកដំបូង!
ថ្មីៗនេះ Mark Prin និង Bow Maylada បានផ្ដល់នូវកិច្ចសម្ភាសន៍ដល់អ្នកកាសែតពីរឿងថ្មីរបស់ពួកគេទាំងពីរ ដែលមានឈ្មោះថា Tai Ngao Tawan (In the Shadow of Sun)។ Bow បានប្រាប់ថានាងមិនធ្លាប់សម្ដែងជាមួយ Mark នោះទេហើយនាងពិតជាមានអារម្មណ៍រំភើប និងទន្ទឹមរង់ចាំសម្ដែងជាមួយ Mark ជាលើកដំបូង។ នាងក៏បានបន្តទៀតថារឿងនេះនឹងធ្វើអោយទស្សនិកជនជក់ចិត្តដិតអារម្មណ៍ដោយភាពរន្ធត់អាថ៌កំបំាង លាយឡំនឹងភាពកំប្លុកកំប្លែងជាក់ជាមិនខាន។
ចំណែក Mark វិញ បានប្រាប់ថាគាត់សប្បាយចិត្តដែលបានធ្វើការជាមួយអ្នកផលិត Nok Jariya របស់ Maker J Group ជាលើកដំបូង ហើយគាត់ក៏បានត្រៀមខ្លួនក្នុងការសម្ដែងរឿងនេះយ៉ាងពេញទំហឹងតែម្ដង។ បញ្ជាក់ផងដែរថា រឿង Tai Ngao Tawan នឹងចាប់ផ្ដើមថតនៅសបា្ដហ៍ក្រោយនេះហើយ៕
