Update គូនេះតិចមើល! Phupantachsee ត្រៀមថតខ្សែរភាពយន្តថ្មី Buanalinthip ចូលចង្ក្រានធ្វើមេនុយថ្មី!
តួឯងប្រុសប្រចាំបុស្តិ៍លេខ៣ដែលកំពុងពេញនិយម “Phupantachsee” បានឈានលំដាប់បានមួយជំហានទៀត ហើយលោកត្រូវបានគេជ្រើសអោយធ្វើជាតារ៉ាក្នុងខ្សែរភាពយន្តថៃរឿង “Ghost’s News” ដែលបានធ្វើពិធីបួងសួងត្រៀមថតរួចរាល់ជាស្រេច ដោយសង្ឃឹមថានឹងអាចយកមកចាក់ផ្សាយអោយហ្វែនៗបានទស្សនាកំសាន្តនាពេលឆាប់ៗនេះ។
លោកបានបង្ហើបនៅក្នុងបទសំភាសន៍ថារឿង “Ghost’s News” ជារឿងខ្មោចព្រឺព្រួច ពោលពេញដោយសាច់រឿងស្នេហាផ្អែមល្អែមជូរចត់ហើយវាជារឿងដំបូងសម្រាប់លោកក្នុងនាមជាតួឯកក្នុងរឿងកំប្លែង លោកមានសេចក្តីរំភើបណាស់ដោយកន្លងមករឿងរបស់លោកសុទ្ធតែជារឿងស្នេហាបែបដ្រាម៉ា ហើយលើកនេះគាត់បានសម្តែងជាមួយតារ៉ាសម្តែងខ្សែរភាពយន្តជើងចាស់ជាច្រើនរូបផងដែរ លោកក៏បានបង្ហើបថាក្នុងរឿងនេះតួអង្គជាក្មេងវត្តដែលតែងតែតាមព្រះសង្ឃដើរបិណ្ឌបាត ជាក្មេងដែលច្រលើម ក្រមិចក្រមើមតិចៗ។
ចំណែក បូវិញ “buanalinthip” បានចាប់យកអាជីពជា youtuber ដោយបង្ហាញពី Lifestyle និងស្នាដៃចំអិនរបស់នាង ចុងក្រោយ “buanalinthip”បានផុសនៅក្នុង IG Story របស់នាងជាវីដេអូនាងកំពុងចំអិនអាហារ ធ្វើអោយគ្រប់គ្នាកំពុងឆ្ងល់អំពីមុខម្ហូបដែលនាងកំពុងចំអិន និងភ្ញៀវដែលនាងអញ្ជើញអោយមកភ្លក់អាហាររបស់នាង។
ចំពោះ#buapon#ponbua នៅតែជាហែសថេកដែលហ្វែនខ្លឹប់បានរក្សាទុកនិងកំពុងទទ្ទឹមរងចាំប្រើប្រាស់វាសារជាថ្មី មិនដឹងថាឆាប់ៗឬយូរទៀតដែលយើងអាចបានមើលរឿងដែលគូនេះសំដែងជាមួយគ្នា ហ្វែនៗតែងតែសុំអោយអ្នកដឹកនាំទាំងឡាយឆាប់ធ្វើអោយគេសមបំណង!
អត្ថបទដោយយ៖ ចាន់សា