អូហូល្បីដល់ជប៉ុន! តារាប្រុស Bright និង Win ទទួលបានពានគូស្នេហ៍ល្អបំផុតប្រចាំឆ្នាំរបស់ជប៉ុន!

តារាប្រុសកំពុងតែល្បីបំផុតប្រចាំប្រទេសថៃ Bright Vachirawit និងតារារះថ្មីស្រស់សង្ហារ Win Metawin កំពុងតែមានប្រជាប្រិយភាពខ្ពស់មិនមែនត្រឹមតែក្នុងប្រទេសថៃនោះទេ តែក៏ល្បីល្បាញពេញអាស៊ីផងដែរ។

Bright និងWin បានចាប់ដៃគូគ្នាសម្ដែងនៅក្នុងរឿងល្បី 2gether the series, Still 2gether, 2gether Movie ព្រមទាំងឥលូវនេះក៏រួមគ្នាសម្ដែងនៅក្នុងរឿងកំពុងតែមានគេចាប់អារម្មណ៍ខ្លំាង F4 Thailand។

Bright បានសាងកេរ្ត៍ឈ្មោះរបស់ខ្លួនកាន់តែល្បីទៅៗ ដោយភាពសង្ហារ និងទេពកោសល្យខ្ពស់ក្នុងការសម្ដែង។ ចំណែកឯ Win តារាប្រុសខ្ពស់សុភាពរាប់សារហាយសូ បានទាក់ទាញចំណាប់អារម្មណ៍ហ្វេនក្មេង និងចាស់ ដោយភាពគួរឱ្យស្រលាញ់ និងចេះកំប្លុកកំប្លែងរបស់គាត់។

តារាទាំងពីររបស់ GMM ទាំងពីររូបនេះក៏បានទទួលពានរង្វាន់គូស្នេហ៍ថៃល្អបំផុតប្រចាំប្រទេសជប៉ុន ព្រមទាំងទទួលពានរងា្វន់រឿងថៃដែលល្អបំផុតគឺ 2gether the series នេះឯង។ ចំណែកឯ Bright វិញ​ ជាតារាថៃតែមួយគត់ដែលទទួលពានតារាសម្ដែងប្រុសដែលល្អបំផុតប្រចាំឆ្នាំរបស់ជប៉ុនផងដែរ។

អត្ថបទដោយ៖Eriya