Kimmy_kimberley ថាបើមិនជឿកុំប្រមាថ!! ភាពជោគជ័យរបស់ គីម បឺរី កើតឡើងពីជំនឿដែលនាងមានលើរឿងនេះ!

Kimmy_kimberley ជាតារ៉ាសម្តែងថៃស្ថិតនៅក្នុង​ Grade ខ្ពស់ៗរបស់ប្រទេសថៃ (grade B) ជាលំដាប់តារ៉ាកំពូលដែលមានតម្លៃខ្លួនខ្ពស់សម្រាប់គ្រប់ការងារមិនថាសម្តែងរឿង ថតម៉ូត ដើរម៉ូត ឬការងារជាតារ៉ាឃោសនាទេ។ នាងបានបង្ហើបថានាងជឿលើរឿងមួយដែលជួយអោយនាងដើរមកដល់ចំនុចនេះ មានការងារច្រើនដូចសព្វថ្ងៃនេះ។
តារ៉ាគ្រប់រូប រឺមនុស្សទូទៅក៏ដោយ តែងតែមានគម្រោងការ និងរបៀបដើរជីវិតអោយជោគជ័យរបស់គេរៀងៗខ្លួន ធ្វើច្រើនយ៉ាងដើម្បីបានល្បីល្បាញមានការងារច្រើនតាមដែលខ្លួនចងបាន ចំណែក Kimmy_kimberley វិញក៏មិនខុសគ្នាប៉ុន្មានដែរ។ នាងមានថ្ងៃនេះព្រោះសមត្ថភាព ការតាំងចិត្តធ្វើការងារ ហើយអ្វីដែលធ្វើអោយគេភ្ញាក់ផ្អើលនោះគឺនាងជឿលើរឿងពណ៌នាំរាសី នាងថានាងតែងតែនិយាយការងារបានសម្រេចពេលដែលនាងជ្រើសរើសពណ៌សម្លៀកបំពាក់បានត្រឹមត្រូវតាមតម្រា។
នាងធ្លាប់ប្រាប់រឿងនេះជាលើកដំបូងនៅក្នុងកម្មវិធី 3Zaap និងបានបញ្ជាក់ម្តងទៀតនៅក្នុងកម្មវិធី​”ตีทายครัว” ថានាងជាអ្នកជឿងប់ងល់រឿងលើកលាភរាសី ជាពិសេសនាងជំនាញរឿងពណ៌លើករាសី គ្មានថ្ងៃណាដែលនាងតុបតែងខ្លួនដោយមិនមើលតម្រាពណ៌សំណាងរបស់នាងឡើយ រហូតដល់ឥឡូវនាងចាំអស់ មិនបាច់មើលសៀវភៅក៏អាចប្រាប់បានដែរថាថ្ងៃណា ពាក់ពណ៌អី និងមិនគួរពាក់ពណ៌អី។
តារ៉ាស្រីរបស់យើងបានបន្ថែមទៀតថានាងជឿខ្លាំងដូចសព្វថ្ងៃនេះពីព្រោះនាងបានពិសោធន៍រួចហើយដោយនាងសាកស្លៀកពាក់អោយខុសពីតម្រាលទ្ធផលគឺមិនបានសម្រេចចេះតែមានរឿងមករារាំងការងារនាងរហូត ចាប់ពីពេលនោះមកនាងស្លៀកពាក់តាមតម្រាពណ៌រាល់ថ្ងៃ ហើយការងារក៏ចេះតែរលូនដូចបច្ចុប្បន្ននេះ៕

អត្ថបទដោយ​ ចាន់សា