តើពិតមែនឬ? Pinky បកស្រាយរឿងដែលនាងចាកចេញពីវិស័យសិល្បៈ!

អាចនិយាយបានថា ទាំងស្អាត ទាំងមានទេពកោសល្យ ចំពោះតារាសម្តែងស្រីរូបស្រស់ Pinky Savika Chaiyadej ដែលថ្មីៗនេះ បានចេញមក Update ជីវិតផ្ទាល់ខ្លួនរបស់នាងទាំងនៅក្នុងវិស័យសិល្បៈ និងជាអ្នកលក់អនឡាញ បញ្ជាក់ថាមិនចាកចេញពីវិស័យសិល្បៈទេ។ Pinky បាននិយាយថា ឥឡូវនេះ បញ្ហា Covid គឺជារឿងធម្មតា បើយើងចេះបត់បែនតាមកាលៈទេសៈនោះវានឹងមិនសូវជាលំបាកប៉ុន្មាននោះទេ។

នាងបានឱ្យយោបល់ថា យើងត្រូវគិតថាឥលូវគេត្រូវការអ្វីជាចាំបាច់ ហើយចេះបែងចែកពេលវេលាទៅលើការងារដែលយើងគិតថាសំខាន់ ហើយអ្វីដែលយើងធ្វើសម្រាប់ការកំសាន្ត។ មិនតែប៉ុណ្ណោះ បើយើងមិនដឹងថាធ្វើអ្វី យើងគួរតែព្យាយាមធ្វើអ្វីដែលថ្មីៗ ហើយអាចធ្វើឱ្យយើងចូលចិត្តវាក៏ថាបាន។

Pinky បានបញ្ជាក់ទៀតថា សព្វថ្ងៃនាងកំពុងតែបំពេញការងារចម្រុះដូចមានការសម្ដែងផង ការផ្សាយពាណិជ្ជកម្មផង ហើយអ្វីដែលពិសេសជាងនេះទៅទៀតនោះគឺការលក់ឥវ៉ាន់តាមអនឡាញរបស់នាង។ ចុងក្រោយ នាងក៏បានធ្វើការប្រាប់ទៅកាន់ហ្វេនៗនាងថា អរគុណដែលបានគាំទ្រទាំងការងារសម្ដែងរបស់នាង និងអាជីវកម្មអនឡាញរបស់នាងផងដែរ។

អត្ថបទដោយ៖ Eriya