Happy Birthday Jennie !! ប្រវត្តិរបស់ម្ចាស់ខួបមិនអន់ទេ នាងល្បីល្បាញតាំងពីមិនទាន់បានចុះកុងត្រាជាមួ​យ YG Entertainment ម្លេះ!

បើនិយាយអំពី All-round នៅក្នុងឧស្សាហកម្ម K-PoP ឈ្មោះ ចេននី នឹងលេចចេញមកពីមាត់គ្រប់គ្នា ការរ៉ែបរបស់នាងគឺអាចធ្វើអោយពិភពលោកក្រឡាប់ចាក់ ហើយគាត់គឺជាបៀរសន្លឹកអាត់សម្រាប់សិល្បៈចំរៀងនិងហ្វាសសិន គាត់អុកទាំងតន្ត្រី និងឧស្សាហកម្មម៉ូដ ស្ទើរតែ​គ្មាន​អ្វី​ដែល “Jennie Blackpink” មនុស្សពេញដោយទេពកោសល្យ​នេះ​មិន​អាច​ធ្វើ​បាន​ឡើយ។

ថ្ងៃទី​១៦ មករាជាថ្ងៃខួបកំណើតគម្រប់ 26 ឆ្នាំរបស់ “Jennie Blackpink” គ្រប់គ្នាបានចូលមកសម្តែងសេចក្តីរីករាយនិងជូនពរថ្ងៃកំណើតរបស់នាងគ្រប់គ្នា អ្វីដែលគួរអោយស្រលាញ់ជាងគេនោះគឺនាងបានស៊ែរពាក្យជូនពរដែលសមាជិកក្រុម អ្នករាំ អ្នកស្តាយលីស៍ និងកាដូពិសេសពីអ្នកម្តាយ នៅក្នុងអ៊ិនស្ត្រាក្រាមផ្ទាល់ខ្លួនធ្វើអោយហ្វែនៗបានឃើញពីក្តីស្រលាញ់ដែលចេននីបានទទួលពីមនុស្សជុំវិញខ្លួន។ ប៉ុន្តែតើអ្នកដឹងទេថា ‘IT girl’ របស់ Blinks ពិតជាមានភាពល្បីល្បាញសូម្បីតាំងតែមុនពេលបង្ហាញខ្លួនដំបូងរបស់នាង?

អ្នកមើលមិនខុសទេ “Jennie” ធ្លាប់ល្បីល្បាញមុនពេលនាងក្លាយជាសមាជិកក្រុម Blackpink នាងគឺជា Trainee ដែលល្បីម្នាក់នៅក្នុង YG Entertainment ពីព្រោះនាងបានធ្វើការងារជាច្រើនមុនពេលចុលជាក្មេងហ្វឹកហាត៉ នាងធ្លាប់ធ្វើ Collaboration ជាច្រើនមុនពេលនាងមានឈ្មោះជា Idol។ អ្នកទាំងអស់គ្នាចាំបានទេ​ “Jennie” បង្ហាញខ្លួននៅក្នុងបទ “That XX” របស់ G-dragon ក្នងនាមជាតារ៉ាសម្តែង MV 3ឆ្នាំមុនពេលការធ្វើ Debut។

តារារ៉េបដំបូងនាងទទួលបានភាពល្បីល្បាញ ហើយឥឡូវនេះបានក្លាយទៅជាឃ្លីបសវនកម្មដែលមានការចែកចាយច្រើនបំផុតនៃតារា K-pop រហូតមកដល់បច្ចុប្បន្ន។ នៅថ្ងៃពិសេសរបស់ អ៊ុននី យើងសូមជូនពរឱ្យនាង និង Blink ទាំងអស់មានថ្ងៃដ៏រីករាយ,រីករាយថ្ងៃ Jennie Day!

អត្ថបទដោយ ចាន់សា