ពិតជាមានសំណាងមែន ! ថតរឿងជាមួយគ្នាសោះធ្វើឲ្យតារាប្រុសថៃម្នាក់ បានបង្កាត់ភ្លើងស្នេហ៍ជាមួយគ្នាតែម្តង
តារាប្រុសថៃ Gun Napat និងតារាស្រីរូបស្រស់ Marie Broenner បានស្រឡាញ់គ្នាយ៉ាងខ្លាំងមែនទែន ក្រោយពីពួកគាត់បានថតរឿងរួមគ្នាជាលើកដំបូង ហើយមានការទំនាក់ទំនាក់គ្នាយ៉ាងស៊ីចង្វាក់ខ្លាំងមែនទែ។
ជាក់ស្តែង គូស្នេហ៍មួយគូនេះចេញមកប្រកាសជាសាធារណៈតែម្តង ក្រោយពួកគេទាក់ទងគ្នាបាន២ខែ។ ទៀតសោតMarie បានផ្តល់បទសម្ភាសន៍និយាយពីទំនាក់ទំនងខ្លួននិង Gun ហើយថែមទាំងសរសើរខាងប្រុស មិនដាច់ពីមាត់ថាជាមនុស្សល្អ ពេលដែលនៅជិតមានអារម្មណ៍រីករាយ។ លើសពីនេះទៅទៀត នាងថែមទាំងបានជួបនិយាយគ្នា ជាមួយគ្រួសាររបស់ Gun រួចរាល់ផងដែរ។
ដោយឡែក Marie បានបន្ថែមទៀតថា ស្នេហាលើកនេះជារឿងបច្ចុប្បន្ន ដូច្នេះនាងមិនខ្វល់ពីអតីតដែលខាងប្រុសធ្លាប់ជាព្រាននារីនោះទេ ដឹងត្រឹមតែពេលនេះពួកគេទាំងពីរមានក្តីសុខគឺគ្រប់គ្រាន់៕
