Peak Kongthap តួឯកប្រុសក្មេងរបស់ Bella ជាប់ឈ្មោះតួឯកប្រុស “Oppa” នៅប្រទេសថៃព្រោះ…

អ្នកទាំងអស់គ្នាអាចធ្លាប់ស្គាល់គាត់ជា “Q” តួរឯកប្រុសនៅក្នុងរឿង Dare To Love ជារឿងមួយដែលធ្វើអោយហ្វែនៗចូលតួរចង់ក្លាយជាតួឯកស្រីដែលមានប្រុសក្មេងតាមស្រលាញ់ដូច បែលឡា តែអ្នកទាំងអស់គ្នាមិនដឹងថា Peak Kongthap ជាសិល្បៈករមកពីប្រទេសអង់គ្លេស និងប្រទេសកូរ៉េខាងត្បួងដែលបានមន្តស្នេហ៍ Oppa ជាប់ខ្លួនរហូត។

Peak Kongthap ចាប់ផ្តើមដឹងថាខ្លួនស្រលាញ់វិស័យសិល្បៈតាំងពីគាត់មានអាយុ ៧ឆ្នាំដោយបានបំផុសគំនិតដោយមើលឯកសាវីដេអូរបស់ Justine Biber ហើយក៏សម្រេចចិត្តសុំគ្រួសារទៅសិក្សាផ្នែងសិល្បៈនៅមហាវិទ្យាល័យសិល្បៈនៅក្នុងទីក្រុងឡុង​ ប្រទេសអង់គ្លេស រហូតមានសមត្ថភាពច្រើនយ៉ាងទាំងចម្រៀង តន្ត្រី សម្តែង និងរាំមុនពេលត្រឡប់មកស្រុកកំណើតវិញ។

មិនចប់ត្រឹមហ្នឹងទេ Peak Kongthap ព្យាយាមរហូតបានជាប់ឈ្មោះជាបេក្ខជនម្នាក់ក្នុងចំណោមបេក្ខជន ១០១ នាក់របស់កម្មវិធី “X101” ដែលល្បីល្បាញនៅប្រទេសកូរ៉េខាងត្បូង ភីកបានហ្វឹកហាត់រហូតបានការទទួលស្កាល់និងក្លាយជាតារ៉ាម្នាក់របស់កូរ៉េខាងត្បួង ដែលមានទាំងការងារជាតារ៉ាសម្តែង រាំ និងតារ៉ាបង្ហាញម៉ូតនៅទីនោះ។

ហើយគាត់ត្រឡប់មកប្រទេសថៃវិញយ៉ាងសម្បូរបែប ចាប់ផ្តើមសម្តែងរឿងដំបូងជាមួយតួឯកស្រីសំដាប់កំពូល “បែលឡារ៉ានី” ព្រមជាមួយបទចម្រៀងពិរោះពីរបទប្រកបក្នុងរឿង។ រឿងដំបូងរបស់គាត់ជាប់ជារឿងដែលមាន Ratting ខ្ពស់បំផុតនៅប្រទេសថៃ ធ្លាយភាពល្បីល្បាញដល់បរទេសទៀតផង ដោយតួឯកប្រុសសម្តែងបានល្អខ្លាំងធ្វើអោយគ្រប់គ្នាមិនជឿថាគាត់ទើបចូលសម្តែងថ្មីៗ សូម្បីបែលឡាក៏សសើរថាគាត់ពូកែមានសមត្ថភាពនិងជាមនុស្សល្អ ចូលចំណុះជាមួយគ្រប់គ្នាបានយ៉ាងល្អ ។ ហ្វែនៗក៏នាំគ្នាលើកទឹកចិត្តអោយអ្នកទាំងពីរបានត្រឡប់មកសម្តែងជាមួយគ្នាម្តងទៀត ចង់ឃើញ​ 0ppa មកតាមញែរបងស្រីម្តងទៀត។

អត្ថបទដោយ ចាន់សា​