សើចលាន់ពេញវៀតណាម​ ខ្លាពាក់កណ្តាលយំពាក់កណ្តាលសើច!!

ថ្មីៗនេះមានការស៊ែដ្រាម៉ាពីបណ្តាញសង្គមអនឡាញរបស់ប្រទេសវៀតណាម ដោយរឿងរ៉ាវមួយបានកើតឡើងនៅទីក្រុង បាក់ លឿយ ដែលមានការរៀបចំតុបតែងតំណាងឆ្នាំថ្មីឆ្នាំខាល ដើម្បីទាក់ទាញអ្នកដំណើរនិងភ្ញៀវទេសចរអោយមកថតរូបលេង និងដើម្បីបានក្លាយទៅជាទីតាំងកំសាន្តពិសេសសម្រាប់ដំណើរកំសាន្តរបស់មនុស្សក្នុងតំបន់​ តែរូបសំណាក់សត្វខ្លាដែលគេបានយកមកតាំងបែជាធ្វើអោយមនុស្សម្នានាំគ្នានិយាយដល់ជាច្រើនកុះករ រហូតក្លាយទៅជាដ្រាម៉ារបស់សង្គមដែលគួរអោយអស់សំណើច។

រូបសំណាក់ដែលគេកំពុងនិយាយដល់នោះមានរូបរាងកប្លែងណាស់ មុខរបស់សត្វខ្លាមើលទៅដូចពាក់កណ្តាលចង់យំ ពាក់កណ្តាលចងសើចម៉េចក៏មិនដឹង ដឹងតែថាមើលហើយអស់សំណើចខ្លាំង ចំណែករាងកាយរបស់សត្វខ្លាវិញគឺ ស្គមស្តើង អាខ្លះបាក់ជើង អាខ្លះមើលទៅដូចជើងខ្វេ និយាយមិនត្រូវសោះ ខ្លះធាត់ ខ្លះស្គម មើលទៅដូចខ្លាពិកា ធ្វើអោយរូបទាំងអស់នោះក្លាយទៅជារូបសំណាកសត្វខ្លាដែលកំសត់ ដែលធ្វើអោយគ្រប់គ្នាអាណិតតែក៏ចង់សើចប្រាប់ពីអារម្មណ៍មិនត្រូវសោះ។

នៅពេលដែលដ្រាម៉ាសត្វខ្លាគួរអោយអាណិតត្រូវបានគេនាំគ្នាស៊ែរចូលក្នុងបណ្តាញសង្គមអនឡាញហើយបានក្លាយជា virus ក្នុងពេលតែមួយប៉ព្រិចភ្នែក ខាងក្រុមអ្នករៀបចំកប្រញាប់យករូបសំណាកទាំងអស់នោះចេញពីទីកន្លែងតាំងហើយរៀបចំរូបសំណាក់ខ្លាថ្មីសម្រាប់ថ្ងៃពិធី។ “ចប់ដ្រាម៉ាខ្លាកំសត់”។

សម្រួលអត្ថបទដោយ ចាន់សា