គួរឲ្យសរសើរ! សុវត្ថិឌី ធារិកា បង្ហាញការគោរពស្រលាញ់តារារៀមច្បងពីររូបនេះគ្រប់ពេលជួបគ្នា!

ពិតណាស់ពីមួយថ្ងៃទៅមួយថ្ងៃតារាចម្រៀងស្រីសំបូរប្រជាប្រិយភាពកញ្ញា សុវត្ថិឌី ធារិកា កាន់តែធ្វើឲ្យមហាជនជាច្រើន ចាប់អារម្មណ៍ ពិសេសនោះគឺសម្លេងពិរោះ និងរូបសម្រស់ដ៏គួរឲ្យស្រលាញ់របស់នាងផ្ទាល់នេះតែម្ដង។

ជាក់ស្ដែងកាលពីពេលថ្មីៗនេះ នាងបានធ្វើឲ្យមហាជនជាច្រើន នាំគ្នាកោតសរសើរនាងថែមទៀត បន្ទាប់ពីគ្រប់គ្នាបានឃើញ នាងបង្ហាញពីអារម្មណ៍គោរពស្រលាញ់ចំពោះតារាចម្រៀងរាមច្បងពីររូបគឺលោក ព្រាប សុវត្ថិ និងអ្នកនាង ឱក សុគន្ធកញ្ញា គ្រប់គ្នាដែលនាងជួបគ្នា មិនដែលរំលងនោះទេ។

ក្នុងនោះកញ្ញា សុវត្ថិឌី ធារិកា បានរៀបរាប់ថា​៖ «ក្មួយសូមអរគុណដល់លោកពូ ព្រាប សុវត្ថិ និង បងកញ្ញា ដែលតែងតែផ្ដល់កិតិ្តយសដល់ប្អូន។ រៀងរាល់ពេល ដែលបានជួបតែងតែណែនាំ ផ្ដល់ដំបូន្មាន សួរសុខទុកប្អូនគ្រប់ពេល ដោយភាពញញឹមនិងក្ដីស្រលាញ់ពិតៗ ស្រលាញ់និងគោរពជានិច្ច»៕

អត្ថបទដោយ៖សុីវលី