មិនបាច់ចាំយូរទេ! Yaya ថតរឿងមិនតិចទេក្នុងឆ្នាំ២០២២
ជាការពិតណាស់ តារាស្រីល្បីប្រចាំប្រទេស Yaya Urassaya ត្រូវបានលាក់មុខពីការសម្ដែងមួយរយៈក្នុងកំឡុងពេលកូវីដ១៩ ដែលធ្វើឱ្យហ្វេនមានការទន្ទឹងរងចាំរឿងថ្មីដែលនាងសម្ដែង។ ទន្ទឹមនឹងនេះដែរ Yaya ក៏បានធ្វើការសម្ភាសន៍ជាមួយអ្នកកាសែតអំពីជីវិតការងារ និងផ្ទាល់ខ្លួនរបស់នាង។
ក្នុងនោះដែរ នាងក៏បានប្រាប់ថា នាងពិតជាសប្បាយចិត្តមែនទែនដែលបានចាប់ផ្ដើមសម្ដែងសារជាថ្មី ហើយនាងក៏រីករាយដែលរឿងភាគនិងភាពយន្ដរបស់នាងនឹងចេញមកក្នុងឆ្នាំនេះដែរ។ មិនតែប៉ុណ្ណោះ Yaya ក៏ប្រាប់ថា ភាពយន្តថ្មីរបស់នាងដែលមានចំណងជើងថា Fast and Feel Love ដែលដឹកនាំដោយអ្នកដឹកនាំល្បីឈ្មោះ Ter Nawapol នៅចេញក្នុងរោងភាពយន្តក្នុងពេលឆាប់ៗនេះ។ Yaya ក៏បានបន្ថែមទៀតថារឿងភាគថ្មី Bad Romeo និង Lai Kinaree នឹងចេញក្នុងឆ្នាំនេះផងដែរ ព្រមជាមួយនឹងរឿងរបស់ Netflix Thai Cave Resue នឹងចេញក្នុងពេលបន្តិចទៀតនេះ។
លើសពីនេះទៅទៀត នាងក៏បានដឹងនាងមិនបានចេញមុខសម្ដែងក្នុងរឿងភាគ ជាយូរណាស់មកហើយ នាងសង្ឃឹមថាហ្វេនៗនិងទស្សនិកជននឹងរងចាំនាងក្នុងរឿងថ្មីៗជាច្រើនសម្រាប់ឆ្នាំ២០២២នេះ។
After Footer (Active) - damrei Mr1 Zone2
អត្ថបទដោយ៖ Eriya