តារ៉ាកំប្លែង ប៉េងប៉ង់ ឆ្នៃការ៉ុងចាស់ធម្មតាអោយក្លាយទៅជា ប្រា ដែលតារ៉ាគ្រប់គ្នាសសើរ!

ធ្វើអោយហ្វែនៗរបស់តារ៉ាសម្តែង និងពិធីករអារម្មណ៍ “ប៉េងប៉ង ឬ sindy_pwoong” ភ្ញាក់ផ្អើលដល់ថ្នាក់ស្រែកឧទានព្រមគ្នាថា “វ៉ោវ” ក្រោយពេលបានទស្សនាវីដេអូដែលសិល្ប:កររូបនេះបានផុសនៅក្នុងអ៊ិនស្តាក្រាមព្រមជាមួយខែបសិនថា “កាត់ដេរខ្លួនឯង ពាក់ខ្លួនឯង ចប់” ។

គ្រប់គ្នាមិនត្រឹមភ្លឹកនឹងជំនាញកាត់ដេរយ៉ាងប៉ិនប្រសព្វរបស់ ប៉េងប៉ង ប៉ុននោះទេថែមនាំគ្នាចូលសសើរចំពោះស្តាយស៍ និងគំនិតច្នៃប្រឌិតរបស់តារ៉ាកំប្លែងរបស់យើងទៀតផង។

ដូចគ្នាដែរបណ្តាបងៗ មិត្តភក្តិនៅក្នុងវិស័យសិល្ប:និងតារ៉ាល្បីៗជាច្រើនបានចូលមកខមមិនសសើរពីស្នាដៃកាត់ដេររបស់គាត់ ធ្វើអោយវីដេអូនោះបានក្លាយជាវីដេអូដែលមានអ្នកទស្សនាច្រើនរួមទាំងអ៊ិនស្តាក្រាម និង TikTok ហើយមានចំនួនលើសពី១សែន views។

ចាត់ទុកជាកាចែករំលែកមួយដែលមានប្រយោជន៍សម្រាប់ហ្វែនៗដែលកំពុងរកគំនិតថ្មី អាជីពថ្មី បានយ៉ាងល្អព្រោះវាជាវិដេអូដែលបង្រៀនអំពីការចេះកែច្នៃរបស់ដែលមិនត្រូវបានគេអោយតម្លៃ ទៅជារបស់ដែលជារបស់ប្រើប្រាស់បាន។

អត្ថបទដោយ សា