ត្រឹមលេងម៉ូតសម្លៀកបំពាក់បែបណាក៏ដោយ Jennie មើលទៅនៅតែស្រស់ស្អាតគួរឲ្យទាក់ទាញខ្លាំងមែនទែន
លោកអ្នកប្រាកដជាបានស្គាល់ហើយ តារាកូរ៉េស្រី Jennie ដែលកំពុងស្ថិតនៅក្នុងក្រុម Blackpink ដែលបច្ចុប្បន្នមានសមាជិកចំនួន៤នាក់ ហើយក្រុមនេះកំពុងតែមានការចាប់អារម្មណ៍ និងគាំទ្រពីសំណាក់អ្នកគាំទ្រជាច្រើនក្នុងប្រទេសកូរ៉េ និងក្រៅប្រទេសយ៉ាងខ្លាំង។
ក្នុងចំណោមនោះ មានតារាស្រីមួយរូប គឺ Jennie ដែលមានស្ទាយ៍សម្លៀកបំពាក់ដ៏ស្អាតប្លែក និងត្រូវចិត្តមិត្តៗយុវ័យយ៉ាងខ្លាំង។ លើសពីនេះ Jennie ក៏បានជាប់ក្នុង តារាងលេខ៥ ក្នុងចំណោមតារាស្រី ដែលមានស្ទីលសម្លៀកបំពាក់ បានសមសួនជាងគេ ប្រចាំប្រទេសកូរ៉េខាងត្បូងថែមទៀតផង។
ជាការពិតណាស់ Jennie មិនត្រឹមតែមានភាពលេចធ្លោ ក្នុងការសម្ដែងបទចម្រៀង ឬការសម្ដែងលើឆាកនោះទេ ព្រោះបើក្រឡេកទៅមើលសម្លៀកបំពាក់ប្រចាំថ្ងៃរបស់នាងវិញ ក៏មិនអន់ដែរ។
បើទោះបីជា តារាស្រីស្អាតរូបនេះ ស្ថិតក្នុងសម្លៀកបំពាក់សាញ្ញមៗធម្មតា បែបណាក៏ដោយ ក៏នៅតែមើលទៅមានស្ទាយ៍ដ៏គួរឲ្យចាប់អារម្មណ៍ និងទាន់សម័យយ៉ាងខ្លាំង។ ជាពិសេស ដោយសារតែ Jennie មានរូបរាងកាយដ៏ស្រលូន គួរឲ្យច្រណែនទៀតនោះ ជាហេតុដែលនាងស្លៀកពាក់បែបណា ក៏តែងតែមានភាពលេចធ្លោជានិច្ច៕
