រវល់យ៉ាងណាក៏ Bright មិនភ្លេចយកកាដូនិងខេកមកឆ្លងថ្ងៃខួបកំណើតរបស់ Win នៅមន្ទីពេទ្យដែរ!

តារារះថ្មីកំពុងតែមានប្រជាប្រិយភាពខ្លាំងដែលនរណាក៏និយាយដល់គឺគ្មាននរណាក្រៅពី Bright Vachirawit និងWin Metawin។ តារាប្រុសទាំងពីរឥលូវមានហ្វេនក្លឹបដ៏ធំព្រមទាំងល្បីខ្ទរខ្ទារក្នុងនិងក្រៅប្រទេសបន្ទាប់ពីរឿងដ៏ល្បីរបស់ខ្លួន 2gether The Series។ ទន្ទឹមនឹងនេះដែរ គេក៏ឃើញនៅទំនាក់ទំនងជិតស្និទ្ធិមិនធម្មតាដែលអ្នកទាំងពីរតែងតែទៅណាមកណាជាមួយគ្នាហើយហ្វេនៗក៏តែងតែផុសនិងសរសេរឈ្មោះទាំងពីរនៅក្នុងបណ្ដាញសង្គមរបស់ពួកគេ។ ថ្មីៗនេះដែរ GMMTV បានឱ្យដំណឹងថា Win បានពុលអាហារធ្ងន់ធ្ងរដែលត្រូវសម្រាកនៅមន្ទីពេទ្យប៉ុន្មានថ្ងៃ ដោយរឿងនេះបានធ្វើឱ្យផ្ទុះបណ្ដាញសង្គមហើយហ្វេនក៏ធ្វើការព្រួយបារម្មណ៍ និងជូនពរwinឱ្យឆាប់ជាសះស្បើយ។

ទោះជាយ៉ាងណា Win ក៏មិនបានឆ្លងថ្ងៃខួបកំណើតឯកោរនៅមន្ទីពេទ្យនោះដែរដោយគេឃើញផុសរបស់ម៉ាក់Bright ដែលមានរូប Bright និងWin នៅជាមួយគ្នារួមជាមួយនឹងកាដូរដ៏ថ្លៃ និងនំខេករូបឡានមួយផងដែរ។ ក្នុងនោះដែរ Win ក៏បានអរគុណBright ដែលបានឱ្យកាដូរIpad សេរីថ្មីបំផុតដល់ខ្លួន ដោយដឹងហើយថាIpad នេះគឺមានតម្លៃថ្លៃរហូតដល់១ពាន់ដុល្លារជាងឯណោះ។