មានលុយចាយមិនអស់! តារាកូរ៉េល្បី Song Joongki ចំណាយលុយទិញផ្ទះលំហែកាយនៅHawaiiរាប់លានដុលា្ល!

តារាសម្ដែងប្រុសដ៏ល្បីប្រចាំអាស៊ី Song Joong Ki ថ្មីៗនេះបានប្រាប់ថាខ្លួនចំណាយលុយទិញអចលនទ្រព្យថ្មីនៅសហរដ្ឋអាមេរិក គាត់ត្រូវបានគេនិយាយថាបានទិញខុនដូប្រណីតដែលមានតម្លៃ 2.28 លានដុល្លារមានទីតាំងនៅ Honolulu រដ្ឋ Hawaii ។ ដើម្បីឱ្យកាន់តែច្បាស់ ផ្ទះថ្មីរបស់គាត់ស្ថិតនៅជិត Ala Moana Beach Park ដែលហ៊ុំព័ទ្ធដោយវិមាន និងអគារប្រណីត។ ការ​ទិញ​អចលនទ្រព្យ​ថ្មី​របស់ Joong Ki យោងតាម Sports Chosun តារាសម្តែងរូបនេះបានទិញអចលនទ្រព្យនេះកាលពីខែធ្នូឆ្នាំមុន ហើយគាត់គ្រោងនឹងធ្វើវាជាផ្ទះលំហែកាយរបស់គាត់។

ខាងកាសែតកូរ៉េក៏បានបន្ថែមថា ខុនដូរបស់អតីតស្វាមី Song Hye Kyo មានទីតាំងនៅជាន់ខ្ពស់នៃអគារ 40 ជាន់។ ដូច្នេះ គាត់មានទិដ្ឋភាពដ៏អស្ចារ្យនៃមហាសមុទ្រ ហើយហេតុផលមួយទៀតសម្រាប់ការជ្រើសរើសកម្រិតខ្ពស់គឺសម្រាប់ភាពឯកជន និងសុវត្ថិភាពរបស់គាត់។