ដើម្បីភាពទាក់ទាញកូនប្រុស David Beckham បានតុបតែងខ្លួនឲ្យដូចទៅនឹងរូបរាងតាចាស់អាយុ៧០ឆ្នាំ
គេបានប្រទះឃើញ កូនប្រុសច្បងរូបសង្ហារបស់ កំពូលតារាបាល់ទាត់ជើងចាស់លោក David Beckham ដែលមានឈ្មោះថា Brooklyn Beckham បានណាត់ជួបគ្នាជាមួយនឹងមិត្តស្រីសំណព្វចិត្ត ដែលជាតារាម៉ូដែល នាង Hana Cross ដើម្បីទៅទស្សនាការប្រកួតវាយកូនបាល់មួយ ជាមួយគ្នា។
ជាក់ស្តែងក្នុងនោះ គេបានសង្កេតឃើញថា គូស្នេហ៍វ័យក្មេងមួយគូនេះ បានស្លៀកនូវសម្លៀកបំពាក់ ដែលមានពណ៌ដូចគ្នា និងអាចនិយាយបានថាជាឈុតគូស្នេហ៍ ដើរបណ្តើរគ្នានៅតាមផ្លូវផងដែរ។
ដោយឡែក អ្វីដែលមហាជនមានការចាប់អារម្មណ៍ខ្លាំងជាពិសេសនោះ គឺសភាពរូបរាង បច្ចុប្បន្នរបស់កូនប្រុសច្បងនៃត្រកូល Beckham រូបនេះតែម្តង ដែលមើលទៅគឺពិតជាពិបាកមើល ខុសប្លែកឆ្ងាយពីកាលលើកមុនដាច់តែម្តង។
ជាការពិតណាស់ បច្ចុប្បន្ននេះ ការតុបតែងខ្លួនរបស់តារាប្រុសវ័យ២១ឆ្នាំរូបនេះ ហាក់បីដូចជាលោកតាវ័យ៦០ឆ្នាំមិនខុសនោះទេ ដោយលោកបានទុកសក់វែងរញ៉េរញ៉ៃ ទុកពុកមាត់ទុកចង្កា និងមើលទៅទឹកមុខរបស់លោក ហាក់បីដូចជាគ្មានកម្លាំងកំហែង គ្មានភាពស្រស់ស្រាយ សាកសមនឹងអាយុអ្វីសូម្បីតែបន្តិច រហូតធ្វើឲ្យមហាជនមួយចំនួនធំ មានការខកចិត្តជាខ្លាំងចំពោះការមិនចេះមើលថែខ្លួន របស់ Brooklyn និងថែមទាំងត្រូវបានគេលាន់មាត់ហៅលោកថាជា «លោកតាថែសួន» ថែមទៀតផង៕
