សង្ហាណាស់! ខេមរៈ សិរីមន្ត ទៅព្រះវិហារតុបតែងខ្លួនក្នុងឯកសណ្ឋានយោធាជាមួយភរិយាឡូយអស់ស្ទះ!

មួយរយៈពេលចុងក្រោយនេះ គេសង្កេតឃើញថាកំពូលតារាចម្រៀងប្រុសល្បីឈ្មោះក្នុងផលិតកម្មរស្មីហង្សមាស លោក ខេមរៈ សិរីមន្ត តែងតែចំណាយពេលវេលាដ៏មានតម្លៃរបស់ខ្លួនជាមួយនិងក្រុមគ្រួសារ ដោយគេឧស្សាហ៍ឃើញលោកបង្ហោះរូបភាពក្នុងដំណើរកំសាន្តជាញឹកញាប់។

ជាក់ស្ដែងថ្មីៗនេះ លោកបានបង្ហោះរូបភាពជាច្រើនសន្លឹកក្នុងសកម្មភាព ដំណើរទស្សនកិច្ចជុំគ្រួសារនិងបងប្អូន យ៉ាងសប្បាយរីករាយនៅឯខេត្តព្រះវិហារ តែអ្វីដែលធ្វើឲ្យមហាជនចាប់អារម្មណ៍ ការទៅកំសាន្តលើកនេះ លោក ខេមរៈ សិរីមនុ្ត និងភរិយាបាននាំគ្នាតុបតែងខ្លួនក្នុងឯកសណ្ឋានយោធា មើលទៅពិតជាស្រស់សង្ហាខ្លាំងណាស់។

ក្រោយពេលឃើញបែបនេះ ធ្វើឲ្យមហាជនជាច្រើន សរសើរដល់លោក ខេមរៈ សិរីមន្ត​ យ៉ាងខ្លាំង ព្រោះថាពេលដែលលោកទៅដល់ទីណាក៏ធ្វើឲ្យមហាជនជាច្រើនចាប់អារម្មណ៍គ្រប់ៗគ្នាដែរ៕ តោះ! កុំឲ្យខាត់ពេលវេលាយូរទៅទស្សនារូបភាពខាងក្រោមនេះទាំងអស់គ្នា៖

អត្ថបទដោយ៖សុីវលី