សង្ស័យយ៉ាងណាទៀត! Matt Peeranee ស្រលាញ់ Songkran ខ្លាំងណាស់ដល់ថ្នាក់លាងរបួសឱ្យដោយផ្ទាល់!

តារាស្រីរូបស្រស់ Matt Peeranee Kongthai ដែលតែងតែមានគេរិះគន់មករហូតបន្ទាប់ពីនាងមានទំនាក់ទំនងជាមួយនឹងSongkran Technarong ។ ទន្ទឹមនឹងនេះ អ្នកដែលតែងតែរិះគន់Mattក៏បានចេញមកចោទថាម៉េចក៏មិនឃើញ Matt នៅមើលថែមិត្តប្រុស ។ រឿងនេះដែរក៏ត្រូវបានអ្នកដែលដឹងច្បាស់បង្ហើបថាMatt ក្រៅពីមើលថែយុវជន Songkran យ៉ាងយកចិត្តទុកដាក់ពេញមួយអំឡុងពេលសម្រាកព្យាបាលនៅមន្ទីរពេទ្យ Siriraj ។

ពិសេសជាងនេះទៅទៀត Matt ក៏ទៅរៀនលាងមុខរបួសដោយខ្លួនឯងជាមួយគិលានុបដ្ឋាយិកាតែម្តង មុននឹងចេញពីមន្ទីរពេទ្យ មកជួយសម្អាតមុខរបួសសម្រាប់Songkran ។ អាចនិយាយបានថាMattបំពេញតួនាទីជាមិត្តស្រីបានល្អបំផុតហើយ សង្ឃឹមថាអ្នកដែលរិះគន់ឈប់ធ្វើការនិយាយរឿងមិនពិតបំភ្លើសការពិតទៀត។