អបអរសាទរ! តារាកំប្លែង ប្រិមប្រិយ ពេលនេះជួបស្នេហ៍ថ្មីហើយ ជាអ្នកជំនាញខាងសិល្បៈដូចគ្នា!(មានរូបភាព)
កាលពីមួយរយៈពេលមុន តារាកំប្លែងសំបូរប្រជាប្រិយភាពអ្នកនាង ម៉ក់ សុគន្ឋដានិច្ច ហៅ ប្រិមប្រិយ បានបង្ហាញមុខកូនស្រីសំណព្វចិត្តរបស់ខ្លួន ដែលជាតំណក់ឈាមជាមួយនិងអតីតស្វាមីរបស់នាង ដែលបានបែកបាក់គ្នាជាយូរឆ្នាំមកហើយ។
យ៉ាងណាមិញកន្លងទៅជាច្រើនឆ្នាំ តារាស្រីរូបនេះ ក៏ធ្លាប់មានទំនាក់ទំនងស្នេហាក្រោយៗផងដែរ តែស្នេហាកន្លងមកពុំដែលសមប្រកបសំរាប់ខ្លួនសោះ រហូតដល់មិត្តភក្ដិក្នុងសិល្បៈបានហៅ ប្រិមប្រិយ ថាជានារីអភ័ព្វស្នេហ៍ថែមទៀតផង។
តែទោះបីជាយ៉ាងណាក៏ដោយ ពេលនេះតារាស្រីរូបនេះ បានជួបគូស្នេហ៍ថ្មីហើយ ដែលបុរសម្នាក់នោះ មានឈ្មោះថា «សុនដៃអក» ជាតន្ត្រីករប្រគំុនៅតាមស្ថានីយទូរទស្សន៍មួយចំនួន ហើយអ្នកទាំងពីរក៏មានគម្រោងរៀបការនៅដើមឆ្នាំ២០២០ ខាងមុខនេះផងដែរ។
ក្រោយពេលលឺដំណឹននេះ ធ្វើឲ្យមហាជនជាច្រើនសប្បាយចិត្តយ៉ាងខ្លាំង ហើយក៏ជូនពរតារាស្រីរូបនេះ ឲ្យកាន់តែស្រលាញ់គ្នា និងសង្ឃឹមថានេះជាស្នេហាចុងក្រោយរបស់នាង៕ តោះ! ទៅទស្សនារូបភាពខាងក្រោមនេះទាំងអស់គ្នា៖
អត្ថបទដោយ៖សុីវលី