Margie សោកស្ដាយខ្លាំងមិនបានឃើញឆាកសុំរៀបការរបស់Mark-Kimដោយផ្ទាល់ មានតែសន្យាជួបជុំគ្នាជប់លៀងនៅផ្ទះរបស់ខ្លួន!
កន្លងមកគេដឹងថា តារាសម្ដែងស្រី Margie Rasa ជាមិត្តភក្ដិជិតស្និទ្ធនៅក្រុមមិត្តភក្ដិជាមួយគ្នានឹង Mark Prin, Kimmy Kimberly, Yaya Urassaya និងNadech Kugimiya។ ទន្ទឹមនឹងនេះដែរ គេក៏ឃើញថាកំពូលតារាល្បីទាំង៤នាក់ដែលជាមិត្តភក្ដិរបស់នាងបាននាំទៅលេងនៅអ៊ឺរ៉ុប ហើយ Markក៏បានសុំKimberly រៀបការនៅប្រទេសស្វីសដែលមាន Nadech-Yayaជាសាក្សីស្នេហ៍ផងដែរ។
Margie ក៏បានទម្លាយថាខ្លួនមិនបានទៅដើរលេងជាមួយមិត្តសម្លាញ់ដោយសារតែឈឺមុនឡើងយន្តហោះ៣ថ្ងៃហើយធ្វើឱ្យនាងមិនបានឃើញការសុំរៀបការដោយផ្ទាល់ភ្នែក។
ក្រោយមកនាងបានលាតត្រដាងដំណឹងល្អពីមិត្តជិតស្និទ្ធរបស់នាងKimberly ដែលមិនទាន់រកពេលជួបគ្នាបានបន្ទាប់មកពីដំណើរកំសាន្តវិញ ព្រោះតាំងពីអ្នកទាំងពីរត្រឡប់មកវិញមានការងារច្រើន ប្រហែលជាមិនបានជួបគ្នាក្នុងខែនេះទេប៉ុន្តែពួកគេប្រហែលជាមានពិធីជប់លៀងនៅផ្ទះ Margie ព្រោះ Mark-Kim ចង់ញ៉ាំសាច់ជ្រូកអាំងជុំគ្នាម្ដង។ ។
