អីយ៉ា! ក្រោយសុំរៀបការបានជាងកន្លះខែ Mark បកស្រាយរឿងធ្លាប់មានគម្រោងសុំ Kim រៀបការតែមិនសម្រេច!
ដូចប្រិយមិត្តគ្រប់គ្នាបានជ្រាបអញ្ចឹងថា កាលពីថ្ងៃទី២១ ខែមេសា ឆ្នាំ២០២២ កន្លងទៅថ្មីៗនេះ កំពូងតារាសម្ដែងថៃល្បីឈ្មោះលោក Mark Prin បានបំពាក់ចិញ្ចៀនសុំ Kimberly រៀបការយ៉ាងផ្អែមល្ហែម ធ្វើឲ្យហ្វេនៗជាច្រើនរំភើបចិត្តយ៉ាងខ្លាំងទៀតផង។
យ៉ាងណាមិញក្រោយពេលសុំរៀបការកន្លងទៅជាងកន្លះខែ ថ្មីៗនេះ Mark ក៏បានផ្ដល់បទសម្ភាសន៍ជាមួយអ្នកការសែត និងសារភាពថាលោកធ្លាប់រៀបគម្រោងសុំ Kim រៀបការម្ដងរួចមកហើយ ហើយបើគិតទាំងពេលនេះលោកទិញចិញ្ចៀន២វង់ហើយ។
ក្នុងនោះលោកបានរៀបរាប់ថា៖
«តាមពិតរឿងគម្រោងសុំរៀបការនេះ គិតទុកតាំងពីឆ្នាំមុនមកម្ល៉េះ តាំងពីទៅហែលទឹកជុំគ្នាជាមួយ Nadech ដោយចិញ្ចៀនខ្ញុំបានទិញដល់ទៅ ២ វង់។ ចិញ្ចៀនវង់ដំបូង គឺទិញតាំងពី ២ ឆ្នាំមុន ដោយលួចទៅទិញស្ងាត់ៗ រហូតសម្រេចនៅពេលនេះ ហើយបើនិយាយពីអារម្មណ៍ពេលសុំ Kim រៀបការវិញ ពេលនោះគឺសារភាពត្រង់ៗថា ដោយពាក្យពេចន៍ដែលត្រៀមនិយាយ ក៏ភ្លេចបាត់អស់ បានត្រឹមនិយាយថា «មិនមានពេលណាសក្តិសមជាងពេលនេះឡើយ» ហើយក៏ឱបគ្នាយំ មិត្តៗដែលចូលរួមក៏យំជាមួយមិនឈប់»។
ក្រោយពេលលឺបែបនេះ ហ្វេនៗជាច្រើនកាន់តែរំភើបចិត្តខ្លាំង និងទន្ទឹងរង់ចាំថ្ងៃពិសេសអ្នកទាំងពីរក្នុងពេលឆាប់ៗខាងមុខនេះផងដែរ៕
សូមទស្សនារូបភាពខាងក្រោមនេះទាំងអស់គ្នា៖
អត្ថបទដោយ៖ស៊ីវលី