ល្បីល្បាញទៀត ! នាង Jihyo និងលោក Kang Daniel ត្រូវបានគេបញ្ជាក់ថា ពួកគេមានទំនាក់ទំនងស្នេហា
កូរ៉េខាងត្បូង ៖ គ្រាន់តែមួយថ្ងៃបន្ទាប់ពីរឿងរ៉ាវទំនាក់ទំនងស្នេហារវាង នាង Jihyo សមាជិកក្រុម TWICE និងលោក Kang Daniel ត្រូវបានបញ្ជាក់ថាស្រលាញ់គ្នាសោះ មកដល់ពេលនេះ មានដំណឹងពាក្យចចាមអារ៉ាមស្នេហាចំពោះសមាជិកក្រុម TWICE ម្នាក់ទៀតហើយ។
ក្នុងនោះដែរ ផ្អែកលើសារព័ត៌មានមួយមានឈ្មោះថា Market News បានរាយការណ៍ថា សមាជិកក្រុម TWICE នាង Momo មានទំនាក់ទំនងស្នេហាលួចលាក់ជាមួយលោក Heechul សមាជិកក្រុម Super Junior រយៈពេល២ឆ្នាំហើយ ចាប់តាំងពីពួកគេបានចូលរួមកម្មវិធីមួយជាមួយគ្នា។
ប្រភពបន្តបានឲ្យដឹងទៀតថា សមាជិកក្រុមTWICE ទាំងអស់សុទ្ធសឹងតែដឹងអំពីរឿងនេះ ព្រោះពួកគេជាមនុស្សជិតស្និទ្ធបំផុតជាមួយ Momo។
ក៏ប៉ុន្តែ ទន្ទឹមនឹងបញ្ហានេះ ស្រាប់តែផលិតកម្ម SM បានចេញសេចក្តីប្រកាសបែបនេះថា ពួកគេនឹងស៊ើបអំពីរឿងនេះ។ ចំណែកឯផលិតកម្ម JYP វិញ ពួកគេបានចេញមុខច្រានចោលទាំងស្រុងចំពោះពាក្យចចាមអារ៉ាមនេះភ្លាមៗថា រឿងនេះគឺមិនពិតនោះទេ៕
