ភ្ញាក់ផ្អើលណាស់! Alek ឆ្លើយបែបនេះ ក្រោយគេសួររឿងរៀបការជាមួយនិង Toey!
បើគិតមកទល់ពេលនេះ តារាសម្ដែងថៃប្រុសសំបូរប្រជាប្រិយភាពលោក Alex Teeradeth មានទំនាក់ទំនងស្នេហាជាមួយនិងតារាសម្ដែងថៃស្រីកញ្ញា Toey Jarinporn រយៈពេល២ឆ្នាំជាងហើយ តែគេពុំដែលលឺអ្នកទាំងពីរបង្ហើបពីដំណឹងល្អម្ដងណាសោះ។
យ៉ាងណាមិញស្រាប់តែកាលពីពេលថ្មីៗនេះ លោក Alex បានផ្ដល់បទសម្ភាសន៍ជាមួយនិងអ្នកកាសែត ទាក់ទងនឹងគម្រោងនៅថ្ងៃអនាគតរបស់លោក ពោលគឺរឿងរៀបការជាមួយនិង Toey នេះតែម្ដង។
ក្នុងនោះលោក Alex ឆ្លើយតបទៅថា «តាមពិតទៅ ខ្ញុំក៏គិតពីគម្រោងរៀបការដែរ ព្រោះឥលូវនេះខ្ញុំមានអាយុជិត៣០ឆ្នាំហើយ ហើយខ្ញុំក៏ចង់មានគ្រួសារ ក៏ប៉ុន្តែវាស្រេចទៅលើពួកយើង នៅពេលពួកយើងមានអារម្មណ៍ថារួចរាល់ ពួកយើងនឹងធ្វើវា។ កាលពីមុន ខ្ញុំមានគម្រោងរៀបការនៅអាយុ ៣៥ ឬ ៣៨ឆ្នាំ ប៉ុន្តែពេលនេះខ្ញុំមិនចង់កំណត់បែបនេះទេ ព្រោះខ្ញុំគិតថាពេលវេលាសម្រាប់ជីវិតគូគឺពិតជាសំខាន់ខ្លាំងណាស់»។
ពិតណាស់ក្រោយពេលដែលលោក Alex ឆ្លើយបែបនេះ ធ្វើឲ្យមហាជនជាច្រើនរំភើបចិត្ត និងទន្ទឹមរង់ចាំថ្ងៃពិសេសរបស់លោក សង្ឃឹមថាមានដំណឹងល្អឆាប់ៗនេះទៅចុះ៕
អត្ថបទដោយ៖សុីវលី