លឿនពេកហើយ! វីដេអូសកម្មភាព Gratik ឡើងទូកនៅកំពង់ផែដែលហ្វេសប៊ុក Tangmo បង្ហោះមិនបានប៉ុន្មានក៏លុបវិញបាត់!
កាលពីម្សិលមិញនេះ គណនីហ្វេសប៊ុករបស់អតីតតារាសម្ដែងថៃស្រីដែលបាត់បង់ជីវិតដោយសារគ្រោះថ្នាក់ធ្លាក់ទូក Tangmo ស្រាប់តែមានសកម្មភាពបង្ហោះរូបភាព និង Story ខ្លីៗ ធ្វើឲ្យមហាជនជាច្រើនភ្ញាក់ផ្អើលយ៉ាងខ្លាំង ជាពិសេសមានបង្ហោះសារទាក់ទងនិងមនុស្ស៥នាក់ដែលនៅរួមទូកជាមួយនោះជាច្រើនទៀតផង។
ជាក់ស្ដែងកាលពីយប់មិញនេះ គណនីហ្វេសប៊ុកនោះបានបង្ហោះវីដេអូបង្ហាញពីសកម្មភាព Gratik ឡើងទូកនៅកំពង់ផែមុន Tangmo ជួបគ្រោះថ្នាក់ ហើយគណនីនោះថែមទាំងភ្ជាប់ជាមួយសារយ៉ាងដូច្នេះទៀតថា៖
«យើងមិនបាននោមនៅក្រោយទូកទេ។ សូម្បីតែទូកដែលចតចោលនៅមានរលក ឯងនៅតែតោងដៃបុរស ២នាក់ ឱ្យគេជួយ។ យើងមិនអាចនិយាយបានទេ កុំនិយាយបង្កាច់បង្ខូចយើងអី សម្លាញ់»
យ៉ាងណាមិញ ក្រោយវីដេអូនេះបង្ហោះចេញនិងមានអ្នកចាប់អារម្មណ៍កាន់តែច្រើនឡើងៗ មិនបានប៉ុន្មានផង ស្រាប់តែម៉ោងប្រមាណ ៩:៥០នាទី វីដេអូដែលបានឃើញនៅក្នុងបណ្តាញសង្គម ត្រូវបានបាត់ចេញពីគណនីហ្វេសប៊ុកនោះវិញ ធ្វើឲ្យគ្រប់គ្នាកាន់តែភ្ញាក់ផ្អើលខ្លាំងតែម្ដង៕
តោះ! ចង់ជ្រាបច្បាស់ ទៅទស្សនារូបភាពខាងក្រោមនេះទាំងអស់គ្នា៖
អត្ថបទដោយ៖ស៊ីវលី