ក្ដៅៗ! ទីបំផុតម្ដាយ Tangmo បកស្រាយរឿងដែលមេធាវីការពារក្តីឲ្យកូនស្រីប្រកាសលាឈប់ហើយ!
ដូចប្រិយមិត្តគ្រប់គ្នាបានជ្រាបអញ្ចឹងថា ក្រោយពេលម្ដាយ Tangmo បានយកទូរស័ព្ទប្រគល់ឲ្យនាយ Bungjack ហើយបានទម្លាយភស្តុតាងជាច្រើននៅថ្ងៃកើតហេតុមក លោក Decha ដែលជាមេធាវីការពារក្តី Tangmo បានប្រកាសសុំដកខ្លួនចេញ ដោយផ្ទេរក្តីទៅឱ្យខាងគណបក្ស ស្រ៊ីវិល័យថៃ ជាអ្នកកាន់កាប់បន្ដផងដែរ។
យ៉ាងណាមិញក្រោយផ្ទុះរឿងបែបនេះកើតឡើងមួយរយៈ ស្រាប់តែពេលនេះ ម្ដាយ Tangmo បានចេញមុខបកស្រាយយ៉ាងដូច្នេះថា៖
«ចំពោះរឿងការដែលផ្ញើទូរស័ព្ទទៅក្រៅ គឺនាយ Decha មិនដែលណែនាំប្រាប់ទេ គ្រាន់តែប្រាប់ថាកុំធ្វើ ហើយសុខៗក៏ប្រកាសលាឈប់ទៅបាត់ទៅ ហើយពេលជួបលោក Mongkolkit អ្នកកាន់រឿងក្ដីរបស់ Tangmo ថ្មីវិញ គាត់ប្រាប់ម្តាយថាគាត់នឹងរកយុត្តិធម៌ឱ្យ Tangmo ហើយចង់ឱ្យគ្រប់យ៉ាងក្លាយជាការពិត ម៉ែឃើញបែបនេះម៉ែថាទោះហត់ក៏ម៉ែសប្បាយចិត្តនឹងធ្វើឱ្យកូនដែរ»
មិនត្រឹមតែប៉ុនណោះ ម្ដាយ Tangmo បានបន្ថែមទៀតថា «ចំពោះនាយ Decha ម៉ែផ្តាំថាឈប់នឹកដល់ម៉ែ ហេតុអ្វីចាំបាច់ពេលនឹកដល់ម៉ែដល់ថ្នាក់ជួលព័ត៌មានឲ្យចុះផ្សាយ ត្រឹមនឹកស្ងាត់ៗក៏បាន នឹកក្នុងចិត្ត ព្រោះពេលនេះម៉ែ និងនាយ Decha ដើរបែកគ្នាហើយ ហើយចំពោះរឿងដែលនាយ Decha បារម្ភថាបក្សនឹងបាត់កៅអីព្រោះលូកដៃចូលក្តីកូនស្រី ម៉ែនិយាយជាមួយលោក Mongkolkit រួចហើយ គាត់និយាយថាកៅអីបាត់មិនជាអ្វីនោះទេ សំខាន់គឺលោកចង់រកយុត្តិធម៍ជូន Tangmo»៕
សូមទស្សនារូបភាពដូចខាងក្រោមនេះ៖
អត្ថបទដោយ៖ស៊ីវលី