ធំឡើងដឹងតែឡូយហើយ! កូនទើបតែអាយុ ១ ឆ្នាំសោះ Kan ទិញកាដូធំមួយនេះជូនរួចទៅហើយ!(មានរូបភាព)
ជាការពិតណាស់ ពីមួយថ្ងៃទៅមួយថ្ងៃយើងឃើញតារាប្រុស Kan Kantathavorn និងភរិយារួមជាមួយកូនប្រុស កាន់តែមានក្ដីសុខឡើងៗ ហើយកន្លងមក តារាប្រុសរូបនេះ តែងតែបំពេញតួនាទីជាមេគ្រួសារដ៏ល្អ ខិតខំរកលុយសឹងតែគ្មានថ្ងៃសម្រាកនោះទេ។
ជាក់ស្ដែងថ្មីៗនេះៗ ហ្វេនជាច្រើនពិតជាភ្ញាក់ផ្អើល នៅពេលឃើញលោកបាននាំគ្រួសារទៅដើរកំសាន្តនៅប្រទេស សិង្ហបុរី យ៉ាងសប្បាយរីករាយ ហើយខណៈពេលមកវិញមិនបានប៉ុន្មានផង លោកក៏បានបង្ហាញរថយន្តថ្មីសន្លាងមួយគ្រឿង ម៉ាក់ Kia Carbival ដែលជាកាដូជូនកូនប្រុសរបស់ខ្លួន អូន Prom ដែលទើបតែមានអាយុ១ឆ្នាំប៉ុនណោះ។
ក្នុងនោះលោកបានរៀបរាប់ថា៖
«នេះជាកាដូជូនកូនប្រុសសំណព្វចិត្ត គិតមកយូរហើយថាគួរទិញឡានម៉ាកអ្វីល្អ ឱ្យមើលទៅស័ក្តិសមជាមួយនឹងអូន Prom នាំគ្នាទៅរកមើលអស់មួយផ្ទះទម្រាំបាន ទីបំផុតគឺបានមួយគ្រឿងនេះ ម៉ាក Kia Carbival»
ក្រោយពេលឃើញបែបនេះ ហ្វេនៗជាច្រើនពិតជារំភើបចិត្ត និងសរសើរតារាប្រុសរូបនេះដែលបំពេញតួនាទីជាលោកប៉ាយ៉ាងល្អ និងទិញកាដូដល់មានតម្លៃជូនកូនខណៈកូនទើបតែនៅតូចសោះ៕ តោះ! ទៅទស្សនារូបភាពខាងក្រោមនេះទាំងអស់គ្នា៖
អត្ថបទដោយ៖ស៊ីវលី